Vawiin khan Rajiv Gandhi Khel Abhiyan (RGKA) Rural Sport Competition 2014 leh Women Sport Competition 2014 Mamit District chu Mamit khelmualah District Bawrhsap Pu. K. Lalthawmmawian a hawng.
Hawnna inkhawm Pu Lalsangluaia SDO (sadar) Mamit kaihhruaiah Pu K. Lalthawmmawia chuan thusawiin he District Level a infiamna a intel hian rilru leh taksa ah hlawkna nasa takin inneih ka duhsak che u a, Mizo naupangte hian kan tuma kan rilru kan pek chuan mi tih ang hi kan ti ve theih a ni tih hi in hre tur leh District Level mai nilo a aia sanga invawrh chho zel tura theihtawp chhuaha tan la sauh sauh turin a fuih a, ruihhlo zuk leh hmuam laka inthiarfihlima mahni inthununna nei turin infiammi kalkhawm te a chah a ni.
RGKA Rural Sport ah hian Displine 9 Badminton, Table Tennis, Hockey, Foootball, Athletics, Boxing, Taekwondo, Wresling leh Weighlifting ah inelna neih tur a ni a, Woman Sport Competition bikah hian Displine 7 Athletics Swimming, Tennis Badminton, Hockey, Table Tennis leh Volleyball ah te inelna neih tur a ni bawk.
RGKA Rural Sport ah hian Mamit District chhung Block hrang hrang Zawlnuam, Reiek, W. Phaileng atangin infiammi 218 chuang kalin, District Level a ti tha te hian State Level Competition Dt 4-6 Nov 2014 chhung a Aizawl a neih turah Mamit District ai an awh dawn a ni.
