862/2026-2027

Dated Aizawl, the 5th June,2026: June ni 18, 2026 hian Mizoram aiawh tur Rajya Sabha MP (seat khat) thlan a ni dawn a, he inthlan chuh tur hian rorel lai Zoram People's Movement (ZPM) party official candidate Pu K. Laltluangkima chuan vawiin khan Returning Officer Pu Zothansanga Ralte, Commissioner & Secretary, Mizoram Legislative Assembly hnenah nomination a file.

Election Commission of India thuchhuah danin inthlan chuh tumte tan June ni 8, 2026 (Thawhtanni) thlengin nomination a file theih a, nomination file te hi June ni 9, 2026 ah endik niin, June ni 11, 2026 thleng inhnuhdawhna hun hawn a ni.

June ni 18, 2026 (Ningani) zing dar 9 atanga tlai dar 4 thleng vote thlakna hun hawn a ni ang a, hemi ni vek tlai dar 5 ah vote chhiar nghal a ni ang.

June ni 18, 2026 hian Mizoram telin India ram chhunga state 10 in Rajya Sabha MP tur an thlang dawn a, chung state te chu – Andhra Pradesh, Arunachal Pradesh, Gujarat, Jharkhand, Karnataka, Madhya Pradesh, Manipur, Meghalaya leh Rajasthan te an ni.