451/2023-2024

Aizawl the 15th May, 2023 : Vawiin chhun dar 12:00 khan kan Rajya Sabha MP Pu K.Vanlalvena leh Principal Consultant, GAD, Aviation, Wg.Cdr. J.Lalhmingliana te chu Director General Civil Aviation-ah lengin Lengpui Airport Airlines Service leh Airport hman tangkai dan chungchangah DGCA hotute nen Meeting pawimawh tak an nei.

Lengpui Airport-a thlawhna alo tum hian Hmar lam atanga runway-a tum a, Hmar lam hawi zawng bawk a thlawh chhuah chauh phalsak an nih avangin Hmar lampang khua a chhiat changin Flight a tum theih loh phah thin a. Hei hian mi tam tak harsatna a thlen thin avangin, a rem lam lam atanga tum theih turin vawiin meeting-ah hian ngenna an thlen a. Hei hi tih hlawhtlin a nih theih nan DGCA Official te chuan a rang thei ang bera Lengpui Airport tlawh turin Aizawl rawn kal an tum a ni.

Lengpui Airport hi Table - Top Airport anga puan a nih avangin Ambulance thlawhna lo tum tur reng reng khalhtu Pilot-te hi a hmaa Pilot Instructor-in a lo Clear lawk tawh an nih loh chuan tum phal an ni lova, hei hian damlo phur thlawhna lo lut tur te tan harsatna tam tak a thlen thin. He khuahkhirhna hi awm tawhlo turin ngenna thlen a ni a, he an ngenna pawh hi a hma thei ang berin DGCA chuan tihlawhtling turin hma lak nghal a lo tiam a ni.

Lengpui Airport runway lights hi visibility a that tawk loh laiin chhunah pawh hman a ngai thin a. Tuna vuah mek runway lights awm mek hi a that tawk loh avangin a aia tha zawk, thim thut thut leh khawchhiat lai pawh a hman tlak turin State Sorkar hmalakna chu a rang thei ang bera Clearance pe turin Aizawl-ah an lokal dawn a ni.

Heng an mamawh thlen te hi tihhlawhtlin a nih chuan Lengpui Airport-a Ambulance thlawhna lo tum tur reng rengin harsatna an nei tawh lo ang a, khawchhiat avanga thlawhna tum theih loh (Diversion) awm tawh ngailo tura beisei a ni.