Vawiin chawhma khan Secretariat Conference Hall-ah Rajya Sabha MP Pu Ronald Sapa Tlau kaihhruaina hnuaiah Aizawl District Development Coordination & Monitoring Committee (DISHA) meeting neih a ni.
Pu Ronald Sapa Tlau chuan kalkhawmte chu district tana hmasawnna a awm theih nana hnathawktu pawimawh tak tak an nih thu sawiin ram hmasawnna tura an chanvo an hriat reng a tul thu a sawi a. Khawvel kalphung danglam zelah department hrang hrang tanrual a pawimawh telh telh thu sawiin thahnemngai taka hmalak a ngaih thu a sawi a ni.
Aizawl DC Pi A. Muthamma chuan kalkhawmte lawmna thu a sawi a. District Development Coordination & Monitoring Committee chu sawrkar programme hrang hrang kalpui a nih dan tur reltu a nih thu a sawi a. Aizawl District chu Open Defecation Free (ODF)-a puan a nih tawh thu sawiin Swachh Bharat Kosh atanga sum dawn hmangin inthiarna siam bakah thuamthat hna kalpui a nih thu a sawi a. English language zirna kawnga hmalaknate a tarlang bawk a ni.
Vawiin DISHA meeting hi tum kum atan meeting vawikhatna a ni a. Meeting hmasa thlirletna hun hman phawt a ni a. Hemi hnu hian January Ni 31, 2018 thlenga department hrang hrangin Centrally Sponsored Scheme 39 hnuaia an hmalaknate leh harsatnate sawihona neih a ni.
Aizawl District-a MGNREGA kalpuinaah mi 105308 hnenah hnathawhna siam sak niin Sakawrdai Zone, Phullen RD Block leh Thingsulthliah Zone-ah inhlawhna ni 48 neih tawh a ni a, ni 42 inhlawhna a bak zawng Block-ah neih tawh a ni bawk. Integrated Child Development Scheme (ICDS)-ah hian cheng nuai 3375.30 dawn niin Aganwadi Centre sak nan te, Health Check-up leh Immunization atan te hman a ni. Swachh Bharat Mission (Gramin) hna kalpuina Aizawl District huamchhungah inthiarna hmun 5 leh Rural Sanitation Mart hmun 6-ah siam a ni. PMKSY-WDC/IWMP hnuaiah project kal lai 18 a awm mek bawk a. Watershed area tihzau nan te, tui dahkhawlna atan leh afforestation atan hnathawh a ni. Shyam Prasad Mukherji Rurban Mission (SPMRM)-ah hian Rurban Cluster Aibawk leh Thingsulthliah RD Block siam a ni a, SPMRM hnuaia hnathawhah cheng nuai 230.41 hman a ni tawh a. IAY/PMAY-G hnuaiah hian Aizawl District huam chhungah in 34 sak a ni tawh bawk a ni.
Aizawl Constituency hrang hrang bialtu MLA- Pu Lalthanliana, Pu R. Vanlalvena, Er. Lalrinawma te an tel a. Rural Development, Social Welfare, PHE, P&E, Land Revenue & Settlement, Agriculture, UD&PA, PWD, ICT, Art & Culture, Geology & Mineral Resources, H&FW, Lead Bank, NERLP, SSA, BSNL, MzSRLM hotute telin Village Council atangin an tel bawk a ni.
