Nimin ni 22.2.2018 khan Taitesena Group YMA Conference vawi 32-na Saikhawthlir khua-a neih mek chu Pu Lalrinmawia Ralte Adviser to CM, Bialtu MLA ni bawk chuan khuallian niin a hmanpui.

Pu Lalrinmawia Ralte chuan kan zosap missionary te kaltlanga Pathianin Pawl ropui tak min pek YMA hi kan  hnam hmakhua tak tak atan chuan pawl pawimawh ber a ni a ti. Khawthlang lama YMA members te chu eng eng emaw harsatna tlangdung dangin an tawh ngai loh tawk thin kan nih avangin Group chhunga member zawng zawngte midangte aia inhmangaih bik leh lungrual taka ram leh hnam humhalh tura kal tlang tur kan ni a ti bawk.

Taitesena Group YMA huam chhunga YMA members te chu khawtlang, kohhran leh pawl danga tangkai taka in hmang ni si, chhungkaw tana  engmah laktlakna nei leh silo kan ni tur a ni lo a ti, nu leh pa thawhchhuah ring mai lova mahni intodelhna khawp tal thawkchhuaktu ni turin YMA members kalkhawm te a chah a ni.

Nimin vantlang inkhawm hi Pu Lalrinsanga Ralte President, Taitesena Group in a kaihruai a, Pu T. Vanlaltlana, DHO Tuidam leh Pu H.D Darrochhunga SDO PHED Kawrthah te'n thusawina an nei bawk. Branch  hrang hrang atangin zaipawl intihsiakna neih a ni a, chawhnu lamah rorel inkhawm neih zui nghal niin vawiin hian hnam lam chi hrang hrang hmanga intihsiakna neih a ni bawk.

Taitesena Group YMA Conference vawi 32-na  Saikhawthlir khua-a neih mek hi Ni 21 (Nilai) zan atang khan tan a ni a, nizan khan a tiak a ni.

Taitesena Group YMA huam chhungah hian YMA Branch 15 awmin members mipa 3673 leh hmeichhia 2976 an vaiin mi 6649 an awm mek a ni.