Vawiin khan Mizoam Upa Pawl Chaltlang Unit ten Tourist Lodge Chaltlang-ah Upa te Ni leh inhmun thar lawmna hun an hmang a, Pu Joseph Lalhimpuia, Parliamentary Secretary, School Education Department, Mizoram chuan khuallian niin a hmanpui.
Pu Joseph Lalhimpuia chuan Ram leh Hnam hmasawnna tur atana Upa te in pawimawh hle a, in indah awl hi sawrkar in a phal lo a, in experience leh in thiamna hi ramin a la mamawh a ni a ti. Ram leh Hnam hmasawnna tur atan an ngaihtuahna te seng zel turin leh ram hmasawnna tur lam hawite chanchinbu lamah pawh Article tha deuh deuh thawh thin turin a chah bawk. Upa te chu tlawmngaihna, Mizo nunmawi te thangthar te min zirtirtu an nih avangin in hlu em em a ni a ti bawk.
He hun hi Pu C.Vanlallawma, MUP, Chaltlang Unit, President in a kaihruai a, Rev. Mangchhuana Sailo in hunserh a hmangin, Pu P. Lalthlengliana, Advisor, MUP, Chaltlang Unit hnen atangin inhmun an neih dan chungchang ngaihthlak a ni bawk.
MUP Chaltlang Unit te’n an member thenkhat te hnenah Chawimawma leh Certificate an buatsaih chu khuallian Pu Joseph Lalhimpuia’n hlanna a nei a, MUP Chaltlang Unit te hnenah hian Inhmun thar an neih na hmuna hnatlang tha thawhpui ve nan Rs, 10,000/- ( Cheng Singkhat ) a hian nghal bawk.
