Nimin ni 22.8.2016 khan Serchhip District Assistant Settlement Officer Pu Lalremruata Sialo, MCS chuan Ram lei leh hralh/hmingthlak tumte tana hriattur pawimawh hetiang hian thuchhuah a siam:

1. Kum 10 (sawm) a ral hma a LSC/House Pass hralh/transfer/hmingthlak (Mutation) hi phal a ni lova. Chuvangin, sawrkar phalna lova hralh or neitu inhlan chhawn anih chuan Pass chu cancel theih a ni. Amaherawhchu, Inrochun (Family inheritance) anih chuan he Dan hian a huam lo.

2. Danin a huam chhung a Inhmun (LSC/House Pass) inleisak/inpek in; a leitu leh hralhtu emaw a petu leh a pek Voter ID Attested Xerox Copy, hmun Inleina or Inpekna lekha Revenue Office atanga lak chhuah bakah; ‘Inrochun’ anih chuan Heirship Certificate thil tel ngei tur a ni. Tin, hmingthlak (Mutation) tih dawnin Pass Original leh Duplicate bakah a neitu thartur thlalak (Recent Passport Size photo pakhat ken tel bawk tur a ni.

3. Sale Deed/Gift Deed/Agreement Deed pawh an siamngei tur a ni. Heng bakah hian Chhiah pekna thar ber Reciept/Tax Clearance te pawh application-ah thil tel ngei tur a ni.

4. Hmigthlak(Mutation) tih dawnin inhmun neitu leh a leitu te Assistant Settlement Officer/Settlement Officer hma-ah an inlan phawt tur a ni. Mutation reng reng The Mizoram(Land Revenue) Rule, 2013- in a phut angin Property Registration an ti ngei tur a ni.

5. Ram leihmainLand & Revenue Office-ah rambuai (Dispute) a ni em tih enfiah phawt a him ber a.Tin, Ram lei fimkhur loh avanga pawisa seng thlawn tam tak an awm tih hriat a ni.

6. Amaherawhchu, Mizoram Sawrkar thuchhuak angin NH-54 kama/huan/lo tam etc. neite kawngpui atanga 100m huam chhuanga ram inpek lei leh hralh, inhlan chhawn/hmingthlak/ramri tihdanglam etc. chungchangah erawh chuan hmalak theih a ni rih lo.