Land Revenue, Higher and Technical, etc. Minister Pu R. Romawia chuan duham tak rilru pu chunga ram hralh leh lei ringawt a buai thin a, ram zawng zawng hauh tum ang hrima hman hlel te chu Mizoram tichhetu an ni, a ti. He thu hi vawiina Durtlang North khawtlang tlawmngai pawl hrang hrang hruaitute a kawmna ah a sawi a ni.

Minister leh bialtu MLA ni bawk Pu R. Romawia hi Local Council hruaituten lo dawngsawngin, inkawmna hun Durtlang North Community Hall-ah an hmang a. Minister chuan mipui rawngbawl tlaka bial mipuiten an ngaih vanga thlan tlin a nih thu sawiin, thawhhona tha tak an neih theih a beisei thu a sawi a. Khawtlang duh leh mamawh te a hnena an thlen chu Minister chuan a remchan dan anga tihhlawhtlin sak a tiam a ni.

Minister hi PWD leh PHE lam atanga officer ten tawiawmin, hmalak mek dan te an sawiho bawk a ni.