No.488/2020-2021
Chief Minister’s Relief Fund hman dan tur ngaihtuahtu tura din Committee on Utilization of Chief Minister’s Relief Fund for COVID-19 chu an Chairman Pu Lalnunmawia Chuaungo, Chief Secretary hovin Chief Secretary’s Conference Hall, MINECO-ah nimin khan an thukhawm.
Lockdown avanga India ram hmun hrang hranga tangkhang, harsatna tawkte tanpui hi Sawrkar Laipui Ministry of Home Affairs chuan an tangkhanna State-te mawhphurhnaah a dah a. Tangkhangte chhawmdawlna tur sum chu State Disaster Response Fund (SDRF) atanga hman a phalsak a ni. Sawrkar laipui chuan State tin hnenah SDRF sum hi a pe chhuak tawh a. Hetiang a nih avang hian Mizoram Sawrkar pawhin Mizoram State chhunga State pawn lam mi, lockdown avanga tangkhang, tanpui ngaite tanpui hna a thawk a. Tun dinhmunah chenna (shelter) leh ei tur a pek hi mi 96 an ni a. Chenna nei, ei tur pek ngai mi 1478 a chawm bawk a ni.
Hetiang bawk hian Mizoram mi leh sa, India ram State danga tangkhangte chu an awm mekna State ten an tanpui theihna turin an hming, an chenna leh an harsatna tawh dan sawrkar chuan a lakhawm a. An awmna State theuh Chief Secretary te hnenah lo tanpui turin ziakin ngenna a thawn angin mi engemawzatin State sawrkar atangin chhawmdawlna an dawng a. Heng State-a Mizo Welfare pawl hrang hrang awmte pawhin theihtawp chhuahin Mizoram mi leh sa tangkhangte hi an lo buaipui bawk a ni. Heng bakah hian harsatna zual bik nei, chhawmdawl mamawhte tanpui an nih theih nan Mizoram Chief Minister ruahmanna hnuaiah Committee on Utilization of Chief Minister’s Relief Fund for COVID-19 chuan CM Relief Fund atangin tanpuina pek ni se tiin a rel a. Welfare tin ten tangkhangte harsat dan enin mamawh zualte an lo tanpui theih nan an kutah CM Relief Fund hi hlan a ni ang a. Mizoram House awmna hmunah erawh chuan Mizoram House enkawltu official-te leh Mizo Welfare pawl hruaitute inrawnin ruahmanna an siam ang. Hmun hrang hranga Mizo Welfare-te hnena sum semchhuah dan tur chu hetiang hi a ni ang:-
Sl. No. | Welfare Pawlte | Sum pek zat tur (in Rs.) |
1 | Vishakapatnam Mizo Welfare Assn. | 1,60,000 |
2 | Chandigarh Mizo Union | 1,40,000 |
3 | The Mizo Welfare Association, Delhi | 14,90,000 |
4 | Goa Mizo Welfare Association | 5,20,000 |
5 | Gujarat Mizo Zirlai Pawl | 7,30,000 |
6 | The Mizo Welfare Association, Delhi (Haryana-a awmte tan) | 2,60,000 |
7 | Himachal Mizo Fellowship (C/o Pi Lalrengpuii) | 90,000 |
8 | Jharkhand C/o Pu Lalbiaktluanga Khiangte, IAS | 80,000 |
9 | Bangalore Mizo Association | 22,30,000 |
10 | Kerela Mizo Association | 1,60,000 |
11 | Jabalpur Mizo Society | 1,50,000 |
12 | Bhopal Mizo Welfare | 1,60,000 |
13 | Mumbai Mizo Association | 19,30,000 |
14 | Pune Mizo Welfare Association | 6,40,000 |
15 | Jalandhar Mizo Zirlai Pawl | 1,80,000 |
16 | Ajmer Mizo Fellowship & Welfare Assn. | 3,10,000 |
17 | Jaipur Mizo Welfare Assn. | 70,000 |
18 | Vellore Mizo Association | 80,000 |
19 | Chennai Mizo Welfare Association | 16,90,000 |
20 | Hyderabad Mizo Association | 6,70,000 |
21 | Meerut Mizo Zirlai Pawl | 1,20,000 |
22 | Allahabad Mizo Welfare Association | 70,000 |
23 | Mizo Christian Fellowship, Lucknow | 1,00,000 |
24 | Varanasi Zofa Welfare Assn. | 2,00,000 |
25 | Dehradun Mizo Welfare Association | 1,80,000 |
26 | Calcutta Mizo Welfare Association | 6,30,000 |
27 | Andaman & Nicobar Mizo Welfare Association | 60,000 |
28 | Indore Mizo Welfare | 40,000 |
29 | Nagpur Mizo Union | 30,000 |
30 | Udaipur Mizo Fellowship & Welfare | 40,000 |
31 | North Bengal Mizo Welfare Association | 10,000 |
32 | DRC Guwahati/Guwahati Mizo Welfare | 8,00,000 |
33 | Group YMA, Imphal | 8,00,000 |
34 | DRC Shillong/Group YMA, Shillong | 8,00,000 |
| Total | 1,56,20,000 |
Mizo Welfare pawl hran awm lohna emaw, darhsarh taka hmun hrang hranga awm tanpui ngai te chu Task Group on Migrant Workers and Stranded Travelers kal tlanga tanpuina tur Rs 2,00,000 vel pek tur a ruahman a ni.
Chin unau refugee Delhi-a awm harsatna tawkte tanpui nan Rs 5,00,000/- pek ni se tiin Committee chuan a rel a. Hei hi Resident Commissioner, New Delhi in a lo buaipui ang.
State dang atanga lo lut turte danga, ramri venga ngawrh taka mutmu pawh tuahloa inpe YMA, YLA leh MTP te mamawh phuhruk nan an awmna YMA Group hrang hrang 15, YLA leh MTP te hnenah sumfai belhkhawmin cheng 57,00,000 pek chhuah a ni ang.
Relief Fund semchhuah hmasak zawka dawng ve lo Home, Centre leh Rehabilitation Centre 24 te hnenah tanpuina a vaiin sum cheng 2,98,500 pek an ni ang.
Tun hnaia Mumbai Mizoram House-a thawkte leh thleng (guest)- te COVID-19 test man atana senso cheng 2,52,000 pawh CM Relief Fund atang hian pek a ni ang.
Mizoram pawna Mizoram House hrang hranga thleng mek, lock down vanga tangkhangte zingah sum lama harsa, awm man leh ei man pe theilote chungchang ngaihtuah a ni a. Hetiang sum lama harsatna tawkte ei man hi CM Relief Fund atanga pek ni se, tiin an rel a. An thlen man hi Sawrkarin a awl dawn a ni.
Heti hian CM Relief Fund atanga hman chhuah tur zawng zawng hi cheng nuai 250 bawr vel a ni ang.
