Sawrkar laipui a Ministry of Home Affairs chuan Border fencing leh Border outpost atana mimal ram sawrkar in a laksak (acquire) man (assessed rate), Deputy Commissioner/Collector ten an fixed chu sang lutuk in an hria a. State danga ram lak man (assessed) rate aiin Mizorama ram lak man hi sang bik hle in an hria a ni. Chuvang chuan Chief Secretary, Mizoram hnenah heng ram lak man te hi nawn turin an rawn ngen a ni.

Chief Secretary Pu Van Hela Pachuau chuan Deputy Commissioner te leh official pawimawhte vawiin chawhnu khan a Conference Hall-ah ram laksak man chu dik taka siam tur leh, langtlang taka thil ti turin a hrilh a. Officer te pawh sawrkar ram lak (acquisition) na ah hian dik lo taka sum siam tum lo turin a hrilh a ni.

Tunah hian hetianga ram lak chungchanga thil diklo hi CBI te pawhin chhui lai mek an nei a. Diklo taka thiltih hi bansan anih loh chuan CBI chhui tir zel hi a tha mai thei a ni tiin Chief Secretary chuan officer te chu a sawipui a ni.