2916/2022-2023
Champhai, the 2nd December, 2022: Ran natna, Foot & Mouth Disease (FMD) ni a rin hmuhchhuah anih avanga Champhai District chhunga bawng lakluh leh phurhchhuah chungchanga khuahkhirhna thupek (No.J.12016/4/2021-DC(C)/Loose dated 31.10.2022) October ni 31, 2022 a chhuah tawh chu ran natna FMD vei hmuh anih tak loh avangin sut anih thu District Magistrate Pu James Lalrinchhana chuan a chhuah a. Amaherawhchu he ran natna laka Champhai District a fihlim chhunzawm zel theih nana hmalak tul nia hriat anih avangin District Magistrate chuan Sec. 144 CrPC. 1973 (Act II of 1973) in thuneihna a pek angin Champhai District atanga bawng phur chhuak turte chuan AH & Vety Department atangin ran hriselna enfiahna mumal tak, Veterinary Soundness Certificate an neih ngei angaih tur thupek a chhuah.

He thupek zawm lo tu chu IPC Sec. 188 hmangin hrem theih an ni. He thupek hian thupek awmsa a luahlan (supercede) anga, chhuah anih (1.12.2022) atanga thla hnih (2) chhung a huam ang.