No.2181/2021-2022
Aizawl the 10th September, 2021 - Vawiin khan Pu Kulothungan A, District Election Officer leh Chairman District Level Standing Committee Lunglei ni bawk kaihhruaiin a office chamber-ah Rationalization of Polling Station chungchang ngaihtuah a thutkhawmna neih a ni. He hun ah hian Election kaihhnawih Sawrkar Official te bakah Political Party hruaitute leh tlawmngai pawl aiawhte an tel.

Meeting kaihruaitu Lunglei DEO Pu Kulothungan A chuan kawlkhawmte lawmna thu sawiin Lunglei District-in electoral roll dik leh felfai tak kan neih a tul bakah mipuite tan vote thlak a awlsam zawk nan polling station pan awlsam leh hmunhma nei tha kan neih a tul a ni, a ti. Election kaihhnawih hmalakna hrang hrang ah te BLO, NGO-te leh khawtlang hruaitute thahnemngaihna a fakawm tak zet a ni tiin Lunglei DC hian thawk ho zel turin a sawm bawk.

Vawiin meeting-ah hian Lunglei District huamchhunga Polling Station hawn thar chungchang, Polling Station Building leh hminh thlak chungchang leh Polling Station tih tawp chungchang te rel ho a ni a.

Electoral Registration Officer 24 – Thorang AC leh 35 – West Tuipui A/C kaltlanga dilna lut te chu zirchian a ni.

Name of AC

Name of existing polling stations

Proposals

35/West Tuipui

35/12 Tlabung II PS

Zodin Tlabung PS tih a hming thlak.

35/13 Tlabung I PS

1.Tlabung Bazar tih a hming thlak.

2. Polling station thar Dinthar -ah siam belh ni se.  PS atan hian NRSTC school, Dinthar chu dil a ni.

 

35/15 Tlabung III PS

1. Tlabung Vengchhak tih a hming thlak bakah  PS building thar atan Govt. SVP Middle School dil a ni.

 

2. Polling station thar - Tlabung Chandmary PS siam belh ni se.  Tlabung HSS chu PS building thar atan dil a ni.

35/25 Chawnpui PS

1. Chawnpui Tlabung PS tih a hming thlak.

2.  Polling station building hi Govt Primary School IV, Tlabung atangin Synod Home Mission School a thlak dil a ni.

 

35/8 Nunsury

Nunsury hi VC pahnih – Nunsury I leh Nunsury II ah then tawh a nih angin Nunsury II ah hian Polling Station siam belh ni se.

34/Thorang

34/19 Putlungasih PS

Synod Primary School atangin BCM Primary School a PS thlak .

34/30 New Sachan PS

Govt Primary School atanga a Upper Primary School a PS thlak.

34/12 Changpui PS     

Govt Primary School atanga Govt Middle School a PS thlak.

34/29 Rotlang W PS   

SSA Primary School atanga Rotlang W UPS a PS thlak.


Meeting chuan heng rawtna lut te hi pawmin Lunglei DEO Pu Kulothungan A chuan a tul anga BLO ten a hmuna endik lehin ECI-in format a duan anga report thehlut turin ERO te a chah a ni.

Attachment

  • Loading attachment...