1308/2023-2024

Thingsulthliah, 28th July, 2013 : Rural Development Minister Pu Lalruatkima chu vawiin khan ETC, SIRD Complex, Thingsulthliah a Block Level Credit Camp hmasa ber neihna ah khuallian niin a tel a, Pi H. Lalchhandami, CEO, MzSRLM (Mizoram State Rural Livelihood Mission) chu khualzahawm a ni.

Khuallian Pu Lalruatkima chuan thu sawiin Mizoram Sawrkarin thingtlang a chengte eizawnna leh intunnunna tur a ngaipawimawh hle a, ni za inhlawhna a hun taka dawn a nih theih nan theihtawp chhuah zel niin State dang te entawntlak khawpin hnathawh mek a ni a ti a. Mizoram sawrkar chuan chhungkaw inrelbawlna leh eizawnna kawnga nu pawimawhna a hria a, hemi kawngah hian chak taka hmalak mek zel a ni tih sawiin nuho tana siam scheme tha tak mai National Rural Livelihood Mission, Self Help Group kaltlanga miretheite chawi kanna tur programme chu MzSRLM kaltlangin chak taka hmalak mek a ni a ti a. Tangkai taka lo hmang zel turin SHG member kalkhawmte a chah a ni.

Sumdawnnaah chuan elpui an awm ve zel tih sawiin khuallian chuan SHG memberte chu an thil siamchhuah chu zawrhchhuah tlak quality tha tak midang elpha a ni tur a ni a ti a. Hetiang kawnga SHG member-ten an mamawh Technology, Skill Training awm thei ang ang chu anmahni viltu Block leh State lama thawkte hrilhhre zel turin a chah bawk a ni.

SHG zinga loan la mek leh la tharte pawhin theihtawp chhuah a tha taka loan rul turin a chah a, mi rinawm leh rinawm lo tehna tha tak pakhat chu an sum puk an rulh that leh that loh hi a ni a. Tuna an loan lak an rulh that phawt chuan Bank lama hotute hian loan pek leh che u an in huam reng ang a ti a. Tuna an sum puk hmanga hna an thawhna turah Training an mamawh phawt chuan a thlawnin MzSRLM kaltlangin training pek an ni zel dawn tih a sawi bawk a ni.

Pu Ruatkima chuan Mizoram Sawrkarin SHG te a ngai pawimawh hle tih sawiin hamthatna awm thei hrang hrangah SHG member te leh an chhungte duhsak thin an ni a ti a. Mizo nute hian theihna sang tak in nei a, mizo kristian chhungkua khaiding tur leh enkawl tur hian in rintlak tawk a ni a ti a. Self Help Group hmasawnna hi chhungkua, khua leh ram pum hmasawnna a ni tih hi hre thar a mahni hmazawn theuh a theihtawp chhuah turin SHG member leh VO hruaitute a chah a ni.

Khualzahawm Pi H. Lalchhandami chuan Mizorama SHG te an chhuanawm a tih thu sawiin India rama SHG zingah Mizorama SHG te chu loan chhia (Non-Performing Asset) nei tlem ber an ni tih a sawi a. Tan an lakna leh an thahnemngaihna avanga hmingtha an nihna chu thai chhe lo tura theihtawp chhuah zel tura chahin, insurance lak ngai pawimawh turin a chah bawk a ni.

Thingsulthliah RD Block hnuaia Self Help Group (SHG 21) te hnenah Rs. 46,50,000 hu loan sanction letter a sem chhuak a, heng SHG te hi an ni-

Tlungvel VO-I hnuaiah -
1. Lenpui SHG - Rs. 1,00,000/-
2. Gate Kawn SHG - Rs. 1,00,000/-
3. Lotus SHG - Rs. 1,00,000/-
4. Hlawhtlinna SHG - Rs. 1,00,000/-
5. Hawilopar SHG - Rs. 1,50,000/-
6. Field Veng SHG - Rs. 1,50,000/-
7. Bazar SHG - Rs. 3,00,000/-

Tlungvel VO-II hnuaiah
1. Ebenezer SHG - Rs. 7,00,000/-

Thingsulthliah VO-I hnuaiah
1. Runlum SHG - Rs. 1,00,000/-
2. Puipui SHG - Rs. 1,00,000/-
3. Chhinlung SHG - Rs. 2,00,000/-

Thingsulthliah VO-II hnuaiah
1. Lelte SHG - Rs. 2,00,000/-

Sesawng VO-I hnuaiah
1. Dingdi-I SHG - Rs. 4,00,000/-

Sesawng VO-III hnuaiah
1. Thuro SHG - Rs. 1,00,000/-
2. Nuihiau SHG - Rs. 1,00,000/-
3. Beiseina SHG - Rs. 5,00,000/-
4. Hahdamna-II SHG - Rs. 5,00,000/-

Seling VO hnuaiah
1. Derhken SHG - Rs. 1,50,000/-
2. Chuailo SHG - Rs. 1,50,000/-
3. Lotus SHG - Rs. 3,00,000/-

Mizoram Rural Bank (MRB) branch 4 -Tlungvel Branch, Thingsulthliah Branch, Sesawng Branch, Seling Branch te MzSRLM hian an dawr a, anni hnen atang hian SHG te loan pekchhuah a ni.

Sesawng Village Organisation-I (VO-I)te hnenah puan thuina khawl (Wonder Stitch automatic sewing machine) 6 a sem bawk a ni.

Deen Dayal Upadhyaya Grameen Kaushalya Yojana (DDU-GKY) hnuaiah thingtlanga cheng Mizo thalaite eizawnna tur (trade) hrang hrang - Airline Cabin Crew (Air hostess), Food & beverages Service Steward, Baking Technician, Kitchen Steward, Retail Sales Associates, Data Entry Operator , Food Delivery Associate ah te a thlawnin training pek an ni tawh, DDU-GKY hnuaiah hian mizo thalai 1663 te training pek an ni tawh bawk a, heng zingah hian mi 1035 te hna hmuhsak ni tawhin, Hyderabad, Guwahati, Siliguri leh Aizawlah training lai 573 an awm mek bawk a ni.

MzSRLM hian tun dinhmunah RD Block (28) zawng zawng a tuam chhuak vek tawh a, thawktu tur Staff te pawh dah an ni vek tawh bawk, a tul dan anga dah belh zel turin ruahmanna siam a ni. Tunah hian MzSRLM hnuaiah Khaw 637 ah Self Help Group 10,708 din tawh niin Member 84,169 an awm mek. SHG member ten sum an inpuk chhawn tur Community Investment Fund Rs. 15,541.09 Lakhs chu SHG/VO/CLF ah pek tawh an ni.

RLM hnuaiah hian Sub Scheme engemawzat a awm a, Mizorama kalpui ve theih ang ang chu kalpui a ni a. Mahila Kisan Sashaktikaran Pariyojana (MKSP)- SHG member kut hnathawktu ten an huan leh lo neih enkawl  chungchangah an chhawr tangkai mek scheme te, Startup Village Entrepreneurship Programme (SVEP)- SHG chhungkua ten sumdawnna lam a an chhawr tangkai tur pawh Serchhip leh Kolasib, Mamit, Siaha District ah kalpui  mek a ni. Thingtlang mite tana veihvah awlsamna tur leh eizawnna atan Aajeevika Grameen Express Yojana (AGEY) kalpui mek a ni a, SHG ten Motor 48 - Maxi cab leh Pik-Up truck an enkawl mek a, Kumin chhung hian Guidelines thar hnuaiah Motor engemawzat SHG memberte enkawl turin kalpui leh tum a ni.  PRI- CBO Convergence kan tih mai, khawtlang hruaitu VC te leh SHG te thawhho dan tur ruahmanna pawh Serchhip leh Mamit district ah enchhinna neih tawh a ni a, Kumin atang  hian Mizoram pum tuam chhuakin hmalak a ni ang.

Heng mai bakah hian SHG memberte chu tunlai mil zel a thiamna nei thei tura training-te leh hmanruate pek an ni a, Bank dawr dante, sum khawldante bakah Faina chungchang thlengin, an dikna chanvo humhalh dan thlenga hriatna pek leh zirtir an ni chho mek zel bawk.

SHG memberte thil siamchhuah leh an thiamna te hmunpui zawka phochhuahna leh in zawrchhuahna hmun buatsaih sakin SARAS FAIR neih thin a ni a. Hemi bakah hian Aizawlah Wholesale/ Retail Outlet (Market Hub) siam turin hmalak mek a ni.

1974 ah Thingsulthliah RD Block hi din niin MzSRLM hnuaiah hian khua 7 awmin Self-Help Group (SHG) 267 an awm a, member 1777 an awm a, Village Organization (VO) 11 an awm bawk a ni. Revolving fund hi SHG 205 in an dawng tawh a, VO 9 in VRF an dawng tawh bawk a.Community Investment Fund Rs. 31,350,000/- an hmu tawh bawk a ni.

Vawiin programme ah hian Thingsulthliah BDO Pi Mary L. Rodinpuii'n inlawmna thu a sawi a, Pi Lalrindiki Royte, Block Mission Manager in an hmalak dan report pe in Pi Lalrinhlui Tochhawng, FIC in lawmthu sawiin hun a khar a ni.