1979/2026-2027

Dated Aizawl, the 28 August 2026: Vawiin khan Rural Development & Administration Department changtu Minister leh Tawi bialtu MLA ni bawk Prof.Lalnilawma chuan MLA Fund leh SELCO Foundation tangkawp hmalakna kaltlanga Seling khua Cold Storage dah thar chu a hawng.

Cold Storage hawnna puala hun hmanah hian RD&A Minister leh bialtu MLA, Prof.Lalnilawma chuan thusawiin, Seling-ah hian SELCO Foundation-te nen veka thawkhovin Solar light leh fan-te an lo dah tawh a, vawiina Cold Storage an han dah leh thei ta chu lawmawm a tih thu a sawi a. ‘Sawrkar chuan Kuthnathawk tute a ngaipawimawhin, mi taima te’n leirem an rah theih nan theihtawp a chhuah zel dawn’ a ti a. Minister chuan Seling chu Mizorama khaw pawimawh tak an ni tih sawiin, khual chhawn thuah pawh hmingtha tak leh khaw taima tak an nihnate chu chhawm nung zel turin a chah a. An hmalaknaa thawhpui tha tak Selco Foundation hnenah lawmthu sawiin, Seling khaw mipuite chu Cold Storage tangkai taka hmang zel turin duhsakna a hlan nghal bawk.

Vawiina hawn tak Cold Storage hi 5 Metric Tonnes (MT) a lian niin, ni zung chakna (Solar Power) hmang a ni a. Bialtu MLA leh SELCO Foundation-te thawhhona hnuaia Cold Storage hi dah niin, Prof.Lalnilawma’n a chuan MLA Fund atang 4.52 lakhs a tum a, SELCO Foundation lamin 6.70 lakhs an tum thung a ni.

Prof. Lalnilawma hi Pu Lalnundika, Project Director, DRDO Aizawl chuan a tawiawm a ni.