Sikul naupangte infiamna kawnga an theihna hai chhuahna tur leh an inpawhtlan nana buatsaih Reliance Foundation Youth Sport Football Tournament 2019 chu vawiin khan Thuamluaia Mual ah tan a ni a, Dr.K.Pachhunga, MLA, Vice Chairman Mizoram Bamboo Development Board chuan khuallian niin a hawng.

Khuallian Dr.K.Pachhunga chuan thalaiten nun kawng dik an zawh theihna tur leh an theihnate hmang tangkaia eizawnna hial an neih theihna tura theihtawp chhuah turin infiammi kalkhawmte chu a chah a, Mizoram sawrkar pawhin thalaite hmakhua ngaia infiamna lamah ruahmanna hrang hrang a siamte sawi langin a hmang tangkaitu nih tum theuh tura theihtawp chuah zui turin infiammite chu a fuih bawk a ni.

RFYS Football Tournament 2019 ah hian Lunglei District-a School hrang hrang atangin Team 29 an tel a, hengte hi Sub Junior, Junior, Senior (Boys & Girls) leh College Boys category ah te then a ni a, Mizoram District 4 Aizawl, Lunglei, Champhai leh Kolasib District-ah te he Tournament hi kelh niin, category tina champion ten Aizawlah Semi final an khel ang a, State Champion team in Mizoram aiawhin Zone Tournament an hmachhawn leh ang a, Zone Tournament a champion te hi National Tournament ah an tel leh dawn a ni.