1006/2023-2024

Aizawl, June ni 30, 2023: Remna Ni 2023 pualin Sports & Youth Services Department buatsaihin Lammual ah Peace Football Match vawiin tlai khan neih a ni a. Chief Minister Pu Zoramthanga chuan he football match hi hawngin, Mizoram Professional Football Association leh Venghnuai Br. YMA, kumin Inter Branch YMA Football Tournament champion te chu an intum a ni.

Chief Minister chuan Mizoram remnremna a neih kum 37 na a tlin takah chuan kawng chi hrang hranga lawm tha tiin, a lawmna function neih bakah intihsiakna hrang hrang buatsaih a nih thu a sawi a. Chung zingah chuan vawiina football match pawh hi a tel thu a sawi a. Heng thil chi hrang hrang kan tih theih chhan hi mi tam tak inpekna rah, Mizoramin muanna kan lo neih phah tak avang a nih thu Chief Minsiter chuan a sawi. Chu remna leh muanna tluantling chu keini chuah nilo kan thenawm ram leh midang pawhin a zar a lo zo ve theih ngei nan hmabak kan la nei a, remna palai ni turin kan thinlungah kan tuh a tha a tih thu a sawi.

Peace Football Match hawnna inkhawm tawi buatsaih ah Pu Lalnunhlua, SYS Deptt. Director chuan a kaihruai a. Match neih chhung hian rambuai avanga tuna Mizorama raltlan awm mekte puihna tur in bawm dawh a ni a, Rs. 28,543 a tlingkhawm a ni.