870/2023-2024

Kolasib dated 21st June, 2023: Vawiin khan I&PR Conference Hall, Project veng Kolasibah Remna Ni 2023 pualin High School Zirlai naupangte tan District Level High School ‘Quiz Competition’ buatsaih a ni a. Pu John LT Sanga, District Bawrhsap Kolasib chuan he hun hi a hmanpui a ni.

Bawrhsap Pu John LT Sanga chuan Quiz Competition chu zirlaite tana hlu tak, an zir zelna tur leh competitive exam nan a la tangkai tur a nih bakah mahni ram ngei chanchin hriat chian chu Mizo mipuite mamawh a nih thu a sawi a. Remna Ni chu Mizo mipuite tana Ni pawimawh leh thangthar lo la awm zel ten an ngaih hlut tur a ni a. Remna hlut zia hi kan ngaihtuah fo tur te zing ami a ni a ti. Zirlai naupangte news ngaithla taima turin a fuih bawk.

Vawiin a Remna Ni 2023 puala District Level High School ‘Quiz Competition’ hi Samagra Shiksha, Kolasib ten an huaihawt a. ‘Mizo Political History’ leh ‘Mizo Hnam Movement’ tih thupui hmanga inelna hi siam a ni a. Lawmman Pakhatna H.T. High School, Pahnihna Govt. Diakkawn High School leh Pathumna Saidan Secondary School te an ni. Lawmman Rs. 30,000/- Rs.20,000 leh Rs.10,000/- an dawn tur te hi Remna Ni lawmna hunah la hlan tura ruahman a ni a. Lawmman pakhatna latu H.T. High School te hian State Level Quiz Competition ah an tel dawn a ni.