1228/2026-2027

Aizawl the 29th June 2026: Remna ni kum 40-na a lo thlen hian Mizoram mipuite, khawvel ram hrang hranga cheng Zofa zawng zawngte chibai ka buk a. Kan ram leh hnam tana nunna chante zawng zawng zahna chibai ka buk e.

Rambuaiin kum 20 zet min chim chhung khan ram hmasawnna hna a kal thei lo va, kum 1986-a remna leh muanna a lo awm atang khan mumal takin kan ram hian hmasawnna hna a kalpui ve thei ta chauh a. Chu chuan remna leh muanna hlutzia min hrilh a. Kan ramin hma a sawn zel theih nan remna leh muanna kan vawn nun a pawimawhzia pawh min hrilh a ni. 

Remna leh muanna boruak hnuaia kan awm hnuah Mizoram hian hma kan sawn chak hle a. Tunah chuan India rama ziak leh chhiar thiam vekna state kan lo ni ta a. Sustainable Development Goals tihhlawhtlinna kawngah hmarchhak biala titha ber zinga mi kan ni a. Eirukna lama state fihlim ber zinga mi kan ni a. Tun hnai lawk atangin kan ram mawizia leh a chhunga cheng mipuite thatzia hretu an pung a, khualzinin min rawn tlawh nasa hle a ni.

Infrastructure lamah pawh hma kan sawn zel a, relin Sairang a rawn thleng a, Thenzawl thlentir thuai kan tum a. Vairengte - Sairang Four Lane National Highway laih mek a ni a, hmun hrang hrangah National Highway hnathawh mek kan nei a. Tun atanga hun reiloteah khian hmasawnna ruhrel lian tak tak hi kan neih belh dawn a ni.

Hetianga chak taka hmasawnna hna a kal theih chhan hi remna leh muanna vang a ni tih hriain, kan ram hi ram ralmuang takah i siam zel ang u.

Ka lawm e.