1229/2026-2027

Dated Aizawl, 29th June, 2026: State Purchase Advisory Board (SPAB) leh State Works Advisory Board(SWAB) chuan Chairman thar atana Commisioner & Secretary/ Secretary, Finance Department ruat a nih chungchangah social media leh hmun dangah thu belchhian dawl lo leh rintlak lo sawi leh thehdarh a awm thin avangin thuchhuah an siam.

Chairman kalchhuak ta Chief Secretary chuan Chairman thlak dilna chu Chief Minister hnenah May ni 7,2026 khan ziakin thehlutin, Chief Secretary hian chairman tih danglam a duh chhan te chiang taka ziakin, chung te chu:

1. Chief Secretary hi sorkarah Chief Vigilance Officer (CVO) a ni bawk a. CVO a nihna angin SPAB/SWAB thil tiha thil fello a lo awm a, a hnena thlen a nih chuan chung thil fello an rawn report-te lo enfiahtu tur a ni a. A lo enfiahtu tur ber Board Chairman-a a awm tlat hi a remchang lo a ti a ni.

2. General Financial Rules 2017, Rule 173(xxii)-ah chuan Purchase Committee member tumah member dang chunga hotu bera a nih a remchang lo tih ziah lan a ni a. Board member-te hi a a hnuaia mi an nih vek avangin an tan zalen taka ngaihdan sawi a harsat phah thei tih hriain he dan tlawh chhan hian Chairman a nihna hi thlak a di1 bawk a ni.

3.Chief Minister hnena a lehkha thehluhah hian, hna lian thamte chu Finance Department remtihna chauha thawh an nih avangin, SPAB/SWAB-te hi Commissioner & Secretary/Secretary Chairman-na hnuaia din turin Chief Secretary chuan rawtna a siam nghal bawk a ni.

Chief Secretary-in ziaka Chief Minister hnena Chairman thlak rawtna a thlen hi May ni 18, 2026-a Council of Ministers meeting-ah ngaihtuah niin, Council of Ministers chuan Chief Secretary dilna leh rawtna hi a pawm sak a ni.