Pu Hmingdailova Khiangte, Parliamentary Secretary chuan Tuirial Hydel Group YMA-in Remna Ni an lawmna hmun Bukpui Khawkunga Hall-ah Khuallian niin a hmanpui a, he hunah hian Dr. K. Beichho, MLA chu Khual zahawm a ni.

Thu sawiin Khuallian chuan Remna hlut zia kan chhut ngun fo a ngai a, inphahhniamna leh inhriatthiam tawnna tel lo chuan Remna tluang tling a awm thei lo. Remna hi Muannain a zui loh chuan mipui kan zalen chuang lo a ti a. Mizote hi chim rala kan awm loh nan YMA hian tan a lak thar a ngai hle a, thalaite HIV leh AIDS lakah kan inven that a ngai bawk a ti.

He hun hi Pu C. Dawngvela, Tuirial Hydel Group YMA President in a kaihruai a, NGOs leh Political Party aiawh ten thusawiin tlaiah a lawmna ruai an theh a ni.