Vawiin chawhma dar 11 : 00 khan M.T.P.Hall, New Colony, Saiha-ah Remna Ni champha vawi 25-na chu ropui taka lawm a ni.

He Remna Ni lawmna inkhawm hi Pu Thangchem Zathang,Additional Deputy Commissioner, Saiha chuan a kaihruaia, hunserh Rev F.Lallawmzauva LIKBK chuan ahmang a , hawnna hla ECM kohhran zaipawl ten an sak hnu ah Pu V.Lalchhawna, Ex-MDC chuan Peace Accord chungchang sawina a nei zui nghal ani. Pu H.C.Lalmalsawma Zasai, President MNF District Hqrs, Saiha, Rev.Dr M.Zakonia, Moderator,ECM, Saiha,Pu F.C.Zase,Chairman,MADC, Saiha, Rev C.Valy, District Superintendent,UPC(NE) leh Father Christopher ten thusawina an nei bawk.

He Ni lawman-ah hian Kohran hrang zaipawl hrang ten hla an rem mai bakah, Hnamlam chi hrang hrang MTP General Headquarters Saiha, YLA Sub-Headquarters Saiha leh Group YMA Saiha ten an entira, programme karlakah zaithiam hrang hrang ten zaiin mipui kalkhawmte an awi reng bawk a ni.

Pu V.Lalengmawia, SDO (S) Saiha District, Saiha in lawmthu sawina a neih hnu ah Rev. Dr T.Laikai, ECM chuan Malsawm Tawngtaina neiin he ni lawmna programme hi a titawp a ni.