843/2023-2024

Dated Serchhip, the 19th June, 2023: Vawiin khan Serchhip DC Meeting Hall ah June ni 30, Remna Ni hman dan tur relin a tum hnihna atan Pi Nazuk Kumar, DC hovin an thukhawm.

Remna Ni hman dan tur hi thla hmasa ni 19 khan a thawhkhatna atan lo ngaihtuah ho a ni tawh a. Kha meetinga mawhphurhna hrang hrang pekte inbuatsaih dan thlir nawn lehna vawiin hian neih a ni.

Remna Ni pual hian Health Camps buatsaih tur a ni a, June ni 28 ah buatsaih tum a ni, Digital Flyers leh Short Video Making Competition hi state level a buatsaih a ni. Remna kawng zawh leh Remna Ni pual thingphun hi Remna Ni takah buatsaih a ni ang a, Blood Donation Camp hi neih tan tawh niin mimal leh pawl thenkhatten an pek tawh bakah Police Department ten an la pe leh dawn a ni. Painting Competition hi I&PR department chuan State Level Competition a kalpui mek a, Remna Ni takah Photo Exhibition a buatsaih bawk ang. Quize leh Essay Competition hi Education Department chuan a kalpui dawn bawk a ni.

Hei bakah hian a lawmna inkhawmah zirlai tithate chawimawina neih a ni ang a, Remna ni pual intihsiakna hrang hrang lawmman sem a ni bawk ang.