852/2023-2024

Dated Serchhip, the 20th June, 2023: Vawiin khan Government Serchhip Higher Secondary School ah Remna Ni pual Essay inziahsiakna Higher Secondary School zirlaite tan District Education Office bultuma buatsaih a ni.

Essay thupui hi “Political History of Mizoram 1947 (Post Independence) to 1987 (Mizoram Statehood)” tih niin zirlai naupang 22 ten intihsiakna hi an hmachhawn a. Lawmman hi Remna Ni lawmna Serchhip DC Conference Hall a June ni 30 a buatsaihah sem a ni ang. Pakhatna hi cheng singthum, pahnihna hi cheng singhnih leh pathumna hnenah cheng singkhat hlan an ni dawn a ni.

Vawiin chawhnu lamah hian Serchhip District Superintendent of Police leh Education Department tangkawpten High School leh Higher Secondary School zirlaite pual vek hian ruihhlo dona hmalakna chikhat atan Essay Competition “Ruihhlo Thalaite hmelma” tih thupui hmanga buatsaih a ni bawk a. He intihsiaka tithate hnenah hian lawmman tha tak buatsaih niin Remna Ni lawmnaah lawmman sem a ni bawk ang.

Remna Ni lawmna kawng khat bawk, zirlaite puala Quiz Competition pawh naktuk hian Education Department hian Serchhipah a buatsaih zui leh dawn a ni.