Aizawl ah Republic Day lawmnaah hian Parade Contigent 24 - Silai keng 4, silai kenglo 6 leh school 12 bakah Band Party 4 in lam an entir a. Parade a tithate silai keng ah pakhatna 1st Battalion CRPF, pahnihna 3rd Battalion MAP leh pathumna chu 1st Battalion MAP te an ni a. Silai kenglo-ah pakhatna chu Ex-Servicemen Contingent an ni a, pahnihna chu St. Mary’s School Scouts & Guides Contingent niin pathumna chu 20th Indep. Coy NCC an ni. School contingent ah pakhatna, pahnihna leh pathumna te chu St. Paul’s HSS, Helen Lowry HSS leh Govt. Mamawii HSS te an ni.

Governor’s Gold Medal dawngtu chu Sub Inspector V. Lalbiaksanga Champhai DEF a ni a. President’s Police Medal for Distinguished Service dawng turin Pu Saizela IPS DIG(Hqrs) thlan a ni a. Police Medal for Meritorious Service dawng turin Pu C. Lalthanmawia SP Champhai; Pu Lalmuanpuia Vice Principal Police TC Thenzawl leh Pu Ngurthanzauva Inspector (Training) MPRO te thlan an ni bawk a. Dr. R L Thanmawia chu Padma Shri leh Pu Khamliana chu National Communal Harmony Award 2011 dawng tura thlan a ni.

Ram puma naupang huaisen te puala lawmman Jeevan Raksha Padak Awards 2011 chu Mizoram naupang 6 in an dawng a. Jeevan Raksha Padak Awards zingah sangber Sarvottam Jeevan Raksha Padak chu C . Lalduhawma(Posthumous) in a dawng a. Jeevan Raksha Padak Awards dawngtute chu Martin Lalthamawia, Lalremmawia Sailo, Lalpuihzuali, K.Lawmsanga leh Lalmawizuali te an ni.

Republic Day 2012 lawmna atan hian Volleyball (Mipa leh Hmeichhia), Basketball(1st leh 2nd Division) leh Hockey ah te inelna siam a ni a. Volleyball (Mipa) ah Hunthar Veng chu pakhatna niin Nursery Veng chu pahnihna an ni a. Volleyball (Hmeichhia) ah Kanan Veng chu pakhatna niin Hlimen Veng chu pahnihna an ni a. Basketball 1st Division ah TBL Basketball Club chu pakhatna niin pahnihna chu Vikings Basketball Club an ni. Basketball 2nd Division ah hian BCA Basketball Club chu pakhatna niin pahnihna chu Dawrpui Vengthar Sporting Club an ni. Hockey ah hian 1st IR Battalion chu an champion a, 1st MAP Battalion chu Runners-up an ni.