Vawiin hian Serchhip DC Meeting Hall ah Deputy Commissioner Pu Chuauhnuna hovin kan hma lawk ni 26th January a lo thleng tur Republic Day, 2020 hman dan tur an rel.

Chiarman Pu Chuauhnuna chuan kalkhawmte chu kumthar chibai bukin; an hnathawhna lamah duhsakna a hlan a, Republic Day hlawhtling taka hman a nih theih nana uluk taka ngaihtuahna seng tur leh mawhphurhna an pek te tha taka hlen tum theuh turin kalkhawm te a ngen a ni. Committee chuan, a lawmna pui ber hi Khawtetlang Playground ah zing dar 7:00 am ah neih tur a rel a ni a, Deputy Commissioner chu khuallian atana beisei a ni a, parade contingents ten hnam puanzar chibai bukna an nei hlawm ang. Mawhphurhna hrang hrang te siam a ni a, mawhphurtu tur leh chanvo neitute pawh ruat fel nghal a ni.

Ruahman dan chuan Republic Day denchhenin kum danga an lo tih thin tawh angin Volleyball Tournament buatsaih a ni ang a, Day pual thilpek Home leh Hospital hrang hrangah te pek an ni bawk ang. A niah nichhuah rualin Office tinah hnam puanzar zar a ni ang a, zing dar 7:00 am ah Playground ah a lawmna pui ber neih zui a ni dawn ni. Kumin Republic Day hi Pathianni a nih avangin VIP at Home programme erawh neih a ni lo thung ang.