3186/2022-2023
Kolasib dated 6th January 2023: Vawiin khan DC Conference Hall, Kolasibah Republic Day 2023 lawm dan tur relin Sawrkar Office, Bank leh NGO hrang hrang hruaituten thutkhawmna an nei a. Pu John LT Sanga, Deputy Commissioner chuan he hun hi kaihruaiin ni 26, January 2023 chawhma dar 8 ah Kolasib Stadium, Project vengah Republic Day lawmna chu neih tur a rel a ni.

Vawiin thutkhawmah hian Pu John LT Sanga chuan kalkhawmte kum thar chibai bukin Sawrkar, Tlawmngai pawl hrang hrang leh MJA ten thawhhona tha tak an lo neih thin chu tha lehzual a chhunzawm zel turin duhsakna a hlan a. Republic Day chu ram pum tan a ni pawimawh a nih angin a lawmna pawh ngai pawimawh a mawhphurhna hrang hrang awm te hlenchhuak tur a hma la theuh turin kalkhawmte a chah.

Republic Day 2023 lawmna tur ah hian Armed contingent 1, Unarmed 5 leh School Contingent 11 ten sipai lam entir thei tur a ruahman niin Sawrkar Office hrang hrangte hnen ah mawhphurhna insem a ni a. Republic day ni hian sawm bikte nen DC Bangla-ah hun hman chhunzawm tur a rel a ni bawk.