Thian duh takte u,

Vawiin India Republic Day vawi 76-na ni ropui takah hian Champhai District mipui zawng zawngte duhsakna chibai ka buk a che u. Kum 1950 vawiin ni angah khan khawvela mipui Sawrkar ram lian berte zinga chiar tel turin Danpui kan nei a. Kan ram danpui thuhmahruaiah chuan 'Keini, mipuite' tih a chuang kalh a. Hemi awmzia chu India ramah chuan khua leh tui ten thuneihna sang ber an nei tihna a ni. He danpui hian mi tinte chu zalenna, dikna leh intluktlanna min pe a, nun nuam taka kan khawsak theihna turte min ruahman sakin, thlamuang leh hahdam taka kan khawsak tlan dial dial theihna tur kawng pawh min kawhhmuh bawk a ni.

Kan hriat theuh angin Champhai District hi district nuam leh mawi tak, sik leh sa nuam tak a nih avangin ram chhung leh ram pawn khualzin a hip em em a, hmasawnna pawh nasa takin a hmuh theih a ni. District hmasawn ber pawl ni tur chuan kan hmunhma ten zir hle mah se a chhunga chengte kan pawimawh a, faina leh thianghlimna kawngah tun aia tan kan lak a ngai a. Tin, kan hnam zia Ieh pi pute nunphung - tlawmngaihna te, rinawmna te, dikna te, huaisenna te chhawm nung zel chunga hmasawnna kawng mi tinten kan zawh a pawimawh hle a ni.

Champhai District tana Sawrkar hmalakna tlangpui han tarlang ila:-

 1.  Public Works Department (PWD) : Kilometers 9.48-a thui Up-gradation of Zote to Tiau lui chu NESIDS hnuaiah Rs. 21.98 Crore hmanga thawh zawh a ni. Improvement and Up-Gradation of Hnahlan to Tiau Lui, 11.23 Km-a thui NESIDS hnuaiah Rs. 32.77 Crore senna tur hna chu 99% thawh zawh tawh a ni bawk.

Restoration of Champhai to Zokhawthar Road, Rs. 13.00 Crore hmangin thawh zawh a ni. Vaphai to Tiau Road, SASCI hnuaiah Rs. 200.00 lakh man Formation Cutting hna thawh zawh a ni a, hei hi 8.00 Km-a thui a ni. Vaphai to Chawngtui 'E' Pavement under SASCI, 3.4 Km-a thui chu Rs. 210.00 lakh senga thawh zawh a ni a, hei bakah hian Roads resurfacing 6.14 Km-a thui thawh zawh a ni bawk.

2. Power & Electricity Department : Power Supply-a kan intodelh theih nan hma lak chhoh mek a ni a. Tualchhung atanga Power Supply thar chhuah a nih theih nan Tuipui Small Hydel Project hluihlawn tawh chu theih ang anga siamthaa hma lak a nih hnuin May, 2024 atang khan khawl tlan tan leh niin, tui awm chhung November, 2024 thleng khan Generation a awm a. 2024-2025 chhung hian unit 412437 thar chhuah niin, a sum thawh chhuah zat chu Rs. 24,12,756.45 a ni.

3. Public Health Engineering (PHE) Department : Jal Jeevan Mission (JJM) hnuaiah Champhai District chhunga Thingtlang khua in zawng zawng bakah School leh Anganwadi Centre-ah te tui Connection pek tawh niin Dt. 12.12.2024 khan Champhai District chu 'Har Ghar Jal' District-a puan a ni. National Bank for Agriculture and Rural Development (NABARD) hnuaiah Farkawn WSS atan Solar Pump hmanga Tiau lui tui pump tura hma lakna kalpui mek a ni a, estimated amount Rs.1,595.72 lakh niin tunah hian 85% vel zawh tawh a ni. Ruantlang WSS atan Khelthliah Lui tui chu Solar hmanga Pump tura hma lak mek a ni. Estimated Amount hi Rs. 2,295.88 lakh niin, tunah hian 28.08% vel zawh tawh a ni bawk. Atal Mission for Rejuvenation and Urban Transformation (AMRUT 2.0) hnuaiah Improvement of Greater Champhai Water Supply Scheme hna thawh mek a ni a, estimated Amount hi Rs.764.52 lakh niin tun dinhmunah hna hi 61% zawh tawh a ni. SWACHH BHARAT MISSION - GRAMIN (SBM-G) hnuaiah hian Local Administration Department (LAD) nen convergence (15th Finance Commission)-in Community Compost Pit - 131 Nos., Individual Household Latrine (IHHL) - 136 Nos., Community Soak Pit -169 Nos. thawh zah tawh a ni.

4. District Civil Supply Office (DCSO): Ration Buhfai hi mipuite hnenah a hun takah sem chhuah thin a ni a. Tunah hian MSSRP (Card Sen) buaipui mek niin a dawngtu tur than fel niin, khawih fel vek a ni tawh a. Buhfai pawh an card scheme ang hian pek chhuah a ni tawh a, hei hi Sawrkar ruahmanna thar niin, tangkai he tura beisei a ni. Tin, POL pawh District mipui ten an mamawh hun takah an lei theih nan theih tawp chhuaha buaipui reng thin ani a. LPG Gas chungchangah pawh hnianghnar taka sem chhuah niin, chutiang tur chuan theihtawp chhuah reng a ni bawk.

5. Environment Forest & Climate Change Department :Conservator of Forest (CF) Office, Eastern Circle Office chu Champhai-ah hawn thar a ni a. Office Building leh Auditorium cum Conference Hall chu Rs. 145.47 lakh senga sak zawh a ni.Champhai Forest Division hnuaiah Botanical Garden nei tura hma lak mek a ni a, he Botanical Garden hi Champhai Zotlang hmun hluiah siam mek a ni. Champhai Forest Division hnuaiah Champhai khawpui tan Zahuata lo Tang, Champhai Zote-ah 50 hectare a zau leh Khawzawl khawpui tan Ngaw zau ram, Hermon-ah hectare 50-a zau a siam a, chak taka hma lak mek a ni. National Mission on Himalayan Studies (NMHS) hnuaiah Nature Learning Centre - Mizoram (NLC) Champhai, Zotlang Hmun hluiah kalpui mek a ni. Indo-Myanmar International Border kaltlanga exotic wildlife hmanga dan lova sumdawnna a awm thin avangin EF&CC Department chuan Champhai Tlangsam ramah Wildlife Rescue Centre siam turin hma a la mek a ni.

6. District Urban Development and Proverty Alleviation Department : SWACHH BHARAT MISSION (URBAN) hnuaiah Mizoram Cleanliness Competition, 2024 atan theih tawp chuaha inbuatsaihna kalpui a ni a. Champhai Town area chhunga VC leh NGO ten faina hnatlang nasa takin an nei a, fai intihsiakna chi hrang hrang neih a ni bawk. Aspirational Public Toilet chu DC Complex, Keifangtlangah sak tura ruahmanna kal pui mek a ni. Solid Waste Management Centre hma lakna kalpui mek niin tunah hian Composting Shed leh Dry Waste Processing Shed sak hna kal pui mek a ni bawk. NATIONAL URBAN LIVEHOODS MISSION (NULM) hnuaiah Champhai khaw chhunga park pathum - Rohmingthanga Recreation Centre, Kahrawt, Sub-Hqtrs. YMA Park, Zion Veng leh Bethel YMA Park, Bethel te chu chei that hna thawh mek a ni. PRADHAN MANTRI AWAS YOJANA(URBAN) - HOUSING FOR ALL hnuaia in sak tanpuina dawng hi chhungkua 3967 an awm mek a ni. TRUCK TERMINAL, Champhai siam hna thawh niin a awmna hmun hi Champhai Ruantlang-ah a ni a, sak zawh thaw khat tawh niin hman theih tura peih fel tep tawh a ni.

7. Champhai District Police : Champhai District Police te chuan kum 2024 chhungin Heroin 47.107 kgs (Rs. 141,321,000/-man), Methamphetamine 206.312 kgs (Rs.268,212,600/- man), Crystal Meth 34.155 kgs (Rs.1,024,650,000/- man), Caffeine 1075 kgs (Rs. 1,559,825/- man) leh Ganja 27 kgs (Rs, 135,000/- man) te an man a. ND & PS Act hnuaiah hian a vaiin case 172 registered niin hemi kaihhnawihah hian mihring 222 man an ni. Ruihhlo tawlh nana hman lirthei 97 man tel a ni bawk. Tin, hemi bakah hian Kum 2024 chhungin Silai leh a mu kaihhnawihah case 5 ziah luh niin he mi kaihhnawihah hian mi 4 man an ni. Tin, Zu leh a kaihhnawihah case 26 ziah Iuh niin hemi kaihhnawihah hian mi 30 man an ni bawk. Thil mante chu BEDC 464 litres, Beer 1217 cases (14814) Ieh zu bilhna hmanrua 10, a vaiin10054 litres man a ni a, a vaia a hlut zawng hi Rs.65,287,000/- a tling.Hemi bakah hian kum 2024 chhung hian Arecanut 661,190 Kgs (9261 bags) Rs. 91,370,300/-man hu man a ni bawk.

8. District Child Protection Unit (DCPU) : Kum 2024 - 2025 chhung hian Sponsorship & Foster Care Programme hnuaiah retheihna avanga zirna chhunzawm hlei thei loten zirna an chhunzawm ve theihna tur leh natna benvawn nei leh pianphunga rual ban lo naupang 133 te hnenah thla tin Rs 4,000/-(sangli) tanpuina pek an ni. Pradhan Mantri Rashtriya Bal Puraskar Aard hi India rama Civilian Award, naupang ten an dawn theih sang ber a ni a, Prime Minister's National Award tih a ni bawk.Champhai District atangin naupang 3 dil sak (nominate) an ni. January - December, 2024 chhung hian naupang kaihhnawih thubuai case 202 ngaihtuah a ni. Naupang tanpui leh venhim ngaite case 170 ngaihtuah a ni a, case zawng zawng hi chin fel nghal a ni a, naupang dan kalha chete chungchang case 32 ngaihtuah a niin, case 25 chingfelin pending case 7 a awm mek a ni.

9. AH & VETY Department : Champhai District huam chhungah kum 2022 (2nd Wave) chhungin ASF avanga Vawk thi (Suat) chhungkaw 490 hnenah zangnadawmna an dawn tur atanga zaa sawmhnih panga (25%), Rs 101,83,700/- (Cheng nuai za pakhat, singriat sangthum leh zasarih) chu an account-ah Direct Benefit Transfer (DBT)-a pek an ni. Bana kaih hnuaiah hian Champhai District chhungah mi 629 hnen atangin application dawn tawh niin, chuta tang chuan mi 15 te hi pilot project atana thlan an ni a, Directorate, A.H & Vety. Department, Aizawl-ah theh luh tawh a ni. Tin, CM Special Package hnuaiah hian Champhai District hnuaiah dilna 1327 a lut tawh bawk a ni. HOSPITAL DISPENSARIES AND RAHC atanga sum thawh chhuah Rs 5,20,360/- zet chu Sorkar sum bawmah chun luh a ni.

10. Local Administration Department : 2024-2025 chhunga DIAO, LAD huaia hasawnna hna thawhte 15" Finance Commission Grant 2022-2023, Untied Grant Ieh Tied Grant 1st Instalment Ich 2nd Instalment, Village Council 62 te henah an khawchhung tihhmasawnna atan pek fel a ni. RGSA hnuai atangin Panchayat  Bhavan (V/C House) thar sakna tur Village Council 3 (pathum) ten Rs 20 lakh theuh an dawng.

11. Excise& Narcotics Department: Kum 2024-2025 chhung hian NDPS Act, 1985 leh MLTP Act 2019 dan hnuaiah ruihhlo tam tham tak man a ni a. Heng ruihhloa inhnamhnawih man zat hi mi 416 chuang an ni.

12. DIET : MBSE in Diploma in Elementary Education Examination, 2024 a buatsaihah mi 42 ten tha takin an passed a, a pumpuiah an titha ber an ni.

13. Sericulture Department: Kum 2024-2025 chung hian Sericulture Department chuan Silk Samagra-2, Central Silk Board, Ministry of Textile, Govt. of India hnuaiah Project pahnih a kalpui mek a, Sustainable Livelihood Through Ericulture in East Mizoram hnuaiah hian Champhai District khaw riat cover nin Eri (Muth pangang) khawitu chhungkua 134 leh a chi khawitu (ASR) chhungkaw 3 leh a chi siam chhuaktu (Private Graineur) pakhatte enkawl mek an ni a. Kum 2024-25 chhungin he project hnuaiah hian Eri Cocoon 225.91 kg. thar tawh niin tun dinhmunah an la khaw mek zel bawk a ni. Augmentation of Muga Culture in Mizoram project hi Tualcheng khua, Champhai District-ah kalpui nin Muga (Nauthak pangang) khawitu mi 13 te enkawl mek an ni. Tin, 2024 chhungin Mulberry (thehmu pangang) cocoon 583.26 kg thar chhuah a ni bawk.

14. Fisheries Department : Fish Farmer te tan PMMSY hnuaiah sangha vulh/ khawina tur Dil thar (Construction of New Pond) siam nan mi 75 henah tanpuina pek an ni. Champhai Vengthlang fish farmer pakhat hnenah Rs.10.74050 lakh/unit chu sangha chi siamna tur Establishment of Carp Hatchery Unit) tanpuina pek a ni. Fish Farmer te hnenah Sangha Chaw (Fish Feed) 328 Qtls. chu a man tlawm (50% Subsidy)-in hralh chhuah a ni. Tin, Fish Farmer te hnenah Sangha Chi (Fish Seed) nuai 5 chu a man tlawm (75% Subsidy)in hralh chhuah a ni bawk.

15. Irrigation and Water Resources Department: I&WR Deptt. chuan scheme hrang hrang heng - Minor Irrigation Scheme, Command Area Development & Water Management Scheme, Anti Erosion Scheme, National Hydrology Project, Ground Water Irrigation Project(GWIP) te hmangin Champhai District hnuaia farmers ten buh leh bal, thlaite chawmna tur tui hniang hnar taka an neih theihna turn nasa takin hma a la a. Minor irrigation projects hi 59 (Sawmnga pakua) hlawhtling taka zawh fel a ni. Hei bakah hian Tuipui valley leitha luang ral mai lo tura humhalhna tur Detail Project Report, cheng vaibelchhe 21.15 man chu Brahmaputra Board hnenah theh luh a ni bawk. Tin, PMKSY-HKKP hnuaia kut nathawktute tan hmun 47-ah lei
hnuai tui verh a ni a, tangkai taka hman mek a ni.

16. District Agriculture Office : Kum 2024 chhung hian District Agriculture Office, Champhai chuan Champhai Town leh a chheh vel khua - Tualcheng, Hnahlan, N. Khawbung, Lianpui, Thekpui, Vaphai-ah te vaimim chi tha, hybrid variety Kg. 1,018 (Rs. 4.07 lakh man) leh Buh chi tha Arize Hybrid 6444 Champhai leileta chin tur kg 10 a pe chhuak a. Buh leh bal eichhetu rannung thahna hlo bur tam tak a sem chhuak bawk a ni. RKVY SMAM hnuaiah kum 2024 hian Champhai District chhunga Zau paruk (6) ten tractor subsidy an hmu a. Heng tractor te hi lo neituten tangkai takin an hmang. February 2025-a PM Kisan 19th instalment sem turah Champhai District atanga dawng thei tur chhungkua 9,272. an awm. FOCUS hnuai atangin 80 hectare a zauah WRC tan Land Development leh Area Expansion tih a ni. Heng bakah hian farmers te tan nasa taka hma lak a ni bawk.

17. Land Resources, Soil & Water Conservation Department : LRS&WC Deptt. Champhai chuan, Tlangsam Village-ah Spring Shed Development Work hnuaiah Tui hna tihpun leh Socio Economic up-lifting atan, Soil conservation Works hna hrang hrang heng Checkdam, Bench terrace, Countour staggred trench, recharge pit te leh Vawk vulh chhungkua 14, Balhla, chhungkua 17 te chin tir leh Ar note leh Ar chaw nen chhungkua 20 te NABARD WDF hnuai atangin hna thawh leh tanpuina pek an
ni. N.khawbung (Tuikual zau)-ah soil conservation work Check dam, Bench terrace, individual water tank leh pipe te RKV Y RAFTAAR 2024-2025 hnuaiah tanpuina a pe bawk.

18. District Social Welfare & Tribal Affairs Department: DSW&TA Office hi July, 2024 atangin tha takin a function a. He Office hian Integrated Rehabilitation Centre for Addicts (IRCA)/ Reformation Centre dinna hmun turte a enfiah vek tawh a ni.
Tin, NSAP beneficiaries te portal-ah updation hna chak takin an thawk mek bawk.

19. Land Revenue and Settlement: Digital India Land Record Modernization Programme (DILRMP) hnuaiah hian Component chi thum (3) thawh mek a ni a. Digitization of Record of Right (RoR) hnuaiah hian Revenue Office, Champhai District chuan October ni 9, 2024 atanga November ni 31, 2024 theng khan Ram record an kawl hrang hrangte Data Entry Operator-23 zet lak belhin Computer ah 29325 an thun a ni. Scanning of Documents hna hi November ni 25, 2024 atanga thah tan nin tun theng hian Documents 7664 scan fel tawh a ni. GIS Updation hna hi December ni 2, 2024 khan bul tan niin tun thieng hian Veng-11 tuam chhuah tawh a ni. Land Revenue and Settlement, Champhai District hian Land Revenue Pass chi hrang hrang LSC, House Pass, WRC, Periodic Patta, Miscellaneous Land Lease leh Departmental Land Lease a vaiin 484 an siam a ni. Revenue Office hian 2024 December thla thlenga an sum thawh chhuah zat hi a vaiin ₹ 1,52,88,277/- (Cheng nuai za sawmnga pahnih singriat sangriat zahnih sawmsarih pasarih) a ni.

20. Horticulture Department: MIDH scheme hnuaiah kum 2024 chhung khan Thei (fruits) chingtute tan Serthlum (M. Orange) phun tur mi 120 leh Thingfanghma (Papaya) ah mi 60 thlan an ni. Thlai (vegetables) chingtute tan MIDH kal tangin unit (chhungkua) 70 hnenah thai chi hrang hrang- tomato, broccoli, bean, fanghma, changkha, bawrhsaiabe, parbawi, dhania leh a dangte bakah neem leitha te pek an ni tawh bawk. MIDH Scheme-a Post Harvest Management hnuaiah thai tharchhuahte nizung chakna hmanga tih ro zung zung theihna khaw] Neochlorus Solutions Pvt. Ltd., Haryana te siam Solar Dryer 12 nos. Tlangsamah bun fel a ni. Champhai District-ah Operation Ginger feh chhuah run pui neih a ni a, Operation ginger vang hian sawhthing chhe mai turte an dam chhoin 60% lai chhan theih an ni. The Government Flagship Programme - BANA KAIH (HANDHOLDING SCHEME) hnuaiah November, 2024 thlengin District Horticulture Office, Champhai hnuaiah Progress Partner diltu mi 207 leh CM Special Package-ah diltu mi 354 an awm tawh a ni.

21. District Programme Coordinator, Samagra Shiksha: Right to Education Act, 2009-in a phut angin naupang, school kal rual kal lote leh harsatna avanga school regular-a kal thei loten zirna tha an dawn theih nan Girls Hostel leh Boys Hostel sak a ni a, hawn tawh a ni bawk. Zirna school awm lohna khua zawng zawngah school hawn vek niin zirtirtu 188 dah a ni. Heng zirtirtu pangngaite bakah hian Health & Physical Education Instructor 81 leh Art Education Instructor 81 lak niin Middle School hrang hrangah dah belh ani bawk. Sawrkar school-a zirtirtu indaih lohna school 6-ah zirtirtu (Special Trainer) 17 dah belh a ni bawk, Govt. & Govt. Aided School-a naupang zawng zawngte hnenah a thlawnin Text Book pek vek an ni. Govt. School-a kal naupang zawng zawngte henah, naupang pakhat tan Rs. 400/-hisapin, school uniform pek vek an ni bawk. Govt. & Govt. Aided School Primary School 137-a naupang 8,616 leh Middle School 124-a naupang 4,944 zawng zawngte hnenah a thlawnin Chhun Chaw (Midday Meal) regular taka pek vek an ni. An Chhun Chaw ei tur chhum tur hian Cook 261 rawih mek an ni bawk.

22. Block Development Office, Champhai : Champhai RD Block hnuaiah kum 2024-2025 chhung hian School building 2 (pahnih), Roads leh Building 4 (pali) bakah Library building 12 (sawm pahnih) sak a ni. Champhai Block hnuaiah Job Card nei mi 12,982 an awm a, kum 2024-2025 chhungin unskilled works 1089 thawh a ni. Tin, MzSRLM hnuaiah Self-help Group 267 an awm a, member hi 2,055 an ni. PMAYG hnuaiah In sak tanpuina dawngtu hi mi 262 an awm bawk a ni.

23. Taxation Office: Taxation Department hian kum 2024-2025 chungin GST leh chhiah dang atangin Rs 721.97 lakhs an hmu tawh a ni.

24. GNM School,Champhai: Mizoram Nursing Council (MNC) hnuaia GNM school zinga exam-ah a titha ber pawl an ni. Article 275 hnuaiah Tribal Girls Hostel sakna tur atan 200 lakhs approved niin, construction kalpui tura hma lak mek a ni.

25. District Transport Office: Kum 2024-2025 chhungin Champhai District-ah motor register zat hi 569 a ni a, lirthei ke hnih nei 790 register bawk a ni. Heng motor register na atanga sum hmuh zawng zawng hi Rs 2,11,90,667/- lai a ni. Tin, Parking fee khawn chhuah zat hi Rs 5,29,000/- a ni bawk.

26. Treasury Office : District Treasury, Champhai hian Drawing & Disbursing Officers 49 (Sawmlipakua) tan hna a thawk mek a. Hei bakah hian Pensioners 1,356 ten thla tin pension hlawn a hun taka an lak theih nan hna a thawk thin a ni.

27. 42-Assam Rifles : Assam Rifles te chuan ruihhlo, heng - methamphetamine, Herion No.4 te bakah dan lova ram dang atanga thil lak luh cheng vaibelchhe 117 man lai an man bawk a ni.

28. Cooperation Department : Champhai District chhungah registered Cooperative Societies 206 an awm mek a, heng zingah hian societies 196 te chu audit an ni a, Audit fee atang hian cheng nuai hnih singhnih sangnga hmuh a ni. Hei bakah hian National Cooperative Database hnuaiah Cooperative Societies 206 te data upload tawh a ni. Tin, Pradhan Mantri Janjatia Vikas Mission(PMJVM) scheme atangin Cooperative Societies 13 (sawm pathum) ten training bakah hmanraw mamawh leina tur an dawng tawh bawk a ni.

29. DC Office : Disaster Management & Rehabilitation (DM&R) Branch atangin in leh vantlang hmun te, lo leh leilet chhia eng emaw zat tan tanpuina hetiang hian sem a ni - Ruah baw hawk avanga in chhia 174 tanpuina atan Rs. 23,63,500/- pek a ni a, Kangmei avanga in chhia 5 leh huan chhia 1 tanpuina atan Rs. 4,39,300/- te, Rialin a den chhiat in 41 leh huan tanpuina atan Rs. 8,36,000/- te, Cyclone Remal avanga in chhia 3 chhawmdawlna atan Rs. 19,500/- te, Tui lian tuar 2 te chhawmdawlna atan Rs. 17,000/-te leh Leimin avanga harsatna tawk chhungkaw 15 hnenah chhawmdawlna Rs. 1,15,500/- te pot chuah a ni. Tin, hei bakah hian lei min tur vennan Silpauline thahnem tak sem chhuah a ni bawk. Tin, mipui mimir mamawh lechikha pavimawh chi hrang hrangte pek chhuah reng a ni bawk.

30. District Rural Development Office : MGNREGS hnuaiah hian kum 2024 - 2025 chhungin Job Card 18,426 a awm a, ni 86 chhung thawh tawh a ni a, sum sen tawh zat hi Rs. 4,396.88 lakh a ni. PMAY-G hnuaiah kum 2021-2022 chhung hian in 339 sak zawh a ni a, Champhai RD Block-ah in 150, Khawbung RD Block-ah in 189 sak zawh a ni. Tin, 2023-2024 chhung hian in 223 sak zawh a ni a, Champhai RD Block-ah in 110 leh Khawbung RD Block-ah in 113 sak zawh a ni. WDC PMKSY 2.0 hnuaiah hian Champhai District ah projects pahnih a awm a, Project pahnih hian khaw li - Ngur, N.Khawbung, Farkawn leh Khankawn a tuam a ni. 

31. Medical Superintendent : District Hospital Champhai-ah hian Critical Care Block, khum 50 awm theihna tur building sak mek a ni. Integrated Public Health Laboratory chu Hospital building chungah vertical extension-a sak mek a ni bawk. Kum 2024 chhunga OPD-a damlo inentir zat chu mi 64,732 an ni.

A tawp berah chuan parade contingent zawng zawngte chungah lawmthu ka sawi a, vawiina zirlai leh mipui lo kal khawm te, NGO Ieh kohhran leh Champhai mipuite hnenah kan ram zalenna sualtute zanna lantir nan kan zain kan ram danpuia inziakte tha taka zawm tura inhlan thar leh turin kan inchah nawn bawk a ni.

Republic day hlim taka hmang vek turin duhsakna ka hlan a che u.

KA LAWM E.

Jai Hind!