Thian duh takte u,

Vawiin India Republic Day vawi 76-na lawm tura lokalte leh Mamit District mipui zawng zawngte chibai ka buk a che u.

India ramin zalenna a neih theihna tur leh, mitin intluktlanna, zalenna, inunauna leh inpumkhatna ram ni tura India ramin mahnia inrelbawlna a neih theih nana ram danpui lo duangchhuaktu ram hruaitu hmasate kha hrerengin kan rilruin zahna chibai i buk ang u. Kan ram ro inrelna kalphung leh a hlutnate humhim a, tichak deuh deuh turin kan rilrute siamthar ila, inpekna rilru thar nen hmalam i thlir ang u.

Kan tana ni pawimawh danglam bikah hian kan District pawhin hmasawnna hmel thar kan hmuh mek zel te leh Mamit District chhunga sawrkarin hmasawnna tura  hnathawh leh  hmathlir tlangpuite han tarlang ila:-

1. HEALTH & FAMILY WELFARE DEPARTMENT

CHIEF MEDICAL OFFICER MAMIT 

Mamit district mihring pem lut leh chhuak tamna bakah mihring chengte khawsak harsa tak tak awmna a ni chung pawhin hriselna kawngah hma a sawn ve zel a. 

Mobile Medical Unit te hian hmun harsa tak takah a thlawna inentirna  buatsaihin a thlawn vekin damdawi an sem thin a, National Blindness Control Programme hnuaiah kum upa te tan a thlawnin tarmit 263 (zahnih sawmruk pathum) sem chhuah niin, mi 2260 (sanghnih zahnih sawmruk) screen an ni bawk.

Kum 2024 chhung hian TB vei tihdam zat chu zaa sawmriat pakua (89%) niin, Tobacco programme lamah vaihlo sim duh in register hi mi 238 an awm. Nasha Mukt Bharat Abhiyan leh Ruihhlo Do Campaign te nena tang kawpin awareness campaign hi vawi 43 neih a ni. 

Mamit district hi nu leh naupang hriselna kawngah nasa taka hmalak a ngai a, nu naupai enkawlna leh Damdawi Ina naupiang pawh an pung chho ve zel. Kum 2024 October thla thleng khan nau piang zawng zawng zinga Damdawi Ina nau piang zat chu zaa sawmruk pali (64%) niin, Naupang kum 1 hnuai lam vaccine la kim hi mi 774 an awm. 

DISTRICT MEDICAL SUPERINTENDENT

District Hospital, Mamit chuan National Quality Assurance Standard (NQAS) leh LaQshya (Labour Room) hnuaiah November, 2024 khan “State Quality Certification” an paltlang a ni.

AB-PMJAY hnuaia damlo admit te tana a thlawna treatment leh investigation tihsak te, damlo admit zawng zawng atangin kum 2023 a zaa sawmthum pali (34%) atangin kum 2024 ah chuan zaa sawmli paruk (46%) ah an pung chho a ni. Mizoram-a District Hospital zingah AB-PMJAY Card nei zawng zawng bakah naupai leh nausen thla 1 hnuailam tana OPD free investigation ti hmasa ber a ni.  

HIV patients hmuhchhuah thar zawng zawng te Anti-retroviral therapy pek tan nghal vek an ni.  

 

2.  EDUCATION DEPARTMENT

  1. Samagra Shiksha hnuaiah naupang School kallo te pualin Residential Special Training Centre (RSTC) chu Kawrtethawveng,  W.Phaileng leh Marpara ah nikum June thla atangin hawn a ni.
  2. Samagra Shiksha hnuaiah Primary School pahnih(2) ,Middle School pahnih (2),High School pahnih (2) leh Higher Sec School pahnih (2) theuh hawn a ni.
  3. Kumin Session atan Lehkhabu 53785 (sing nga sangthum zasarih sawmriat panga) a thlawnin naupangte hnenah sem chhuah tawh a ni.
  4. Mid Day Meal (PM POSHAN) kaltlangin kan district chhunga Sikul zawng zawngah naupang tan chhun chaw buatsaihsak thin a ni.

3. DISTRICT RURAL DEVELOPMENT OFFICE 

  1. MGNREGS: Kum 2024 – 2025 ah hian Job Card nei chhungkua te tan Ni 100 inhlawhna neih hman tum niin Ni 88 inhlawhna siamsak an ni tawh. 
  2. MzSRLM: MzSRLM kaltlang hian mirethei, eizawnna mumal nei lo mi tam tak te’n eizawnna mumal an neih phah a. Mamit District-a hian RD Block pali huam chhungah hnathawh a ni a, Self Help Group member zawng zawng hi mi 8337 (sang riat zathum sawmthum pasarih) an awm mek a ni. 
  3. DDU-GKY :  Deen Dayal Upadhaya Gramin Kaushalya Yojana hi Prime Minister Flagship programme pawimawh tak niin, nikum chhung khan trade hrang hranga mahni thiam thila ei zawng thei tura train chhuak mi 100 an awm a, mi 68 te chu hna hmuhsak nghal an ni. 
  4. RSETI :Rural Self Employment Training Institute kaltlangin mi 44 train chhuah an ni bawk.

 

4. PUBLIC WORKS DEPARTMENT

PWD Mamit Division hian kawng 273.80kms-a thui a enkawl mek a. 

  1. EI&ISC (Economic Importance & Inter-State Connective) – hnuaiah Improvement of Tuipuibari to W. Kawnpui Road chu May/2024 khan zawh fel a ni. 
  2. PMGSY (Pradhan Mantri Gram Sadak Yojana) hnuaiah Phuldungsei atanga Parvatui , Tuipuibari atanga Andermanik kawng siam leh thawmthat hna chu zawh tawh a ni a;  Andermanik atanga N. Belkhai Road leh Rawpuichhip atanga Buarpui kawng te hi thawh mek a ni bawk. 
  3. NABARD hnuaiah Strengthening and Improvement of W. Phaileng to Marpara (80.00 km) chu March 2023 khan tan niin, tunah hian hna zaa sawmthum panga (35 %) zawh tawh a ni.
  4. SASCI hnuaiah khaw kar link road pawimawh tak tak Cheng vaibelchhe khat leh nuai sarih hmanga thawh mek a ni a, tunah hian Mamit District Headquarters khawchhung kawng siam that hna pawh thawh mek a ni.

5. POWER & ELECTRICITY DEPARTMENT

          132kV line Single Circuit Transmission line on Double Circuit Tower from Bairabi to W.Phaileng via Mamit, NEC funding hmanga thawh mek chu zaa sawmkua pariat (98%) lai thawh zawh tawh a ni. 132kV Sub-station Mamit NESIDS hnuaia siam thar mek pawh commission theih thuai beisei a ni. W.Phaileng leh Marpara a 132kV Sub-Station thar leh W.Phaileng to Marpara 132kV line siam hna NERSIP hnuaia PGCIL in a thawh mek chu zawh fel thawkhat a ni tawh bawk.

          33kV Sub-station at Marpara SASCE hnuaia thawh chu hna zaa sawmnga panga (55%) thawh zawh tawh a ni.  

6. PUBLIC HEALTH ENGINEERING DEPARTMENT 

Kum 2024-2025 chhung hian Public Health Engineering Department, Mamit WATSAN Division chuan Augmentation of Greater Mamit Water Supply Scheme Part – II (Clear Water and Distribution System) a thawk mek a. He Project hi Cheng vaibelchhe sawmli (Rs. 40.00 Crore) senga thawh zawh tura ruahman a ni.

Jal Jeevan Mission hnuaiah Khaw hrang hrangah Water Supply Scheme 35 nos. thawh zawh tawh a ni bawk.

7. FOOD, CIVIL SUPPLIES & CONSUMER AFFAIRS DEPARTMENT.

NABARD Warehousing Fund kaltlangin buhfai dahna tur Godown leh Staff Quarter heng Centre Kanhmun, Zawlnuam, Phuldungsei leh Marpara ah te sak mek a ni. PMUY Scheme hnuaiah mi 5579 (Sang nga zanga sawmsarih pakua) te hnenah a thlawnin Gas Connection pek an ni.

8. ECONOMICS & STATISTICS DEPTT.

Births & Deaths Certificate: Economics & Statistics Department Mamit chuan April 2024 atanga December 2024 thleng khan Birth Certificate 226 leh Death Certificate 18 an pe  chhuak.    

9. EXCISE & NARCOTICS DEPTT.

Kum 2024-2025 chhung hian Excise & Narcotics Department, Mamit District chuan Mamit leh a chhehvel hmun hrang hrangah ngawrh taka hna thawkin Narcotic Drugs & Psychotropic Substances Act 1985 (Drugs) hnuaiah dan bawhchhia mi 49 man an ni a, case 40 ziahluh a ni. Tin, The Mizoram Liquor Prohibition Act 2019 hnuaiah dan bawhchhia mi 187 man niin case 278 ziahluh a ni.  

10. GOVT. MAMIT COLLEGE

Aspirational District Programme hnuaiah NITI Aayog atangin Power Back Up tha, Internet Connectivity leh e-Library siam a ni

11. GOVT. ZAWLNUAM COLLEGE

RUSA hnuaiah Multipurpose Building leh Classroom Vertical Extension te leh PMJVK hnuaiah ICT Building sak mek a ni.

12. MAMIT FOREST DIVISION

  1. Kum 2024-2025 chhung hian Forest Revenue ₹ 17,06,671/- (Cheng Nuai Sawmpasarih Sangruk Zaruk Sawmsarih Pakhat) sawrkarah chhunluh tawh a ni. 
  2. Mamit Forest Division huam chhunga lo leh huan ramsa te’n an tihchhiat sak leh ramsa avanga hliam tuar mi 34 (Sawmthum pali) hnenah ex-gratia ₹ 2,84,266/- (Cheng Nuaihnih Singriat Sangli Zahnih Sawmruk leh Paruk) sem chhuah a ni. 

13. AGRICULTURE DEPARTMENT

Aspirational District Programme (ADP) hnuaiah hian Soil Health Card hi sangkhat leh sawmli pahnih (1042) sem chhuah tawh a ni a, Nikum April leh November thla chhungin, Oil Palm hi Mamit District chhungah hian metric tonne sangthum leh za leh pakua leh point thum (3109.3 mt) hralh chhuah tawh a ni a, Rs.4,26,46,864.79 (cheng vaibel chhe li leh nuai sawmhnih paruk singli sang ruk zariat sawmruk pali) lai lakluh tawh a ni.

14. AND REVENUE & SETTLEMENT DEPARTMENT

April 2024 – December 2024 chhungin Land Revenue and Settlement, Mamit District-ah ram teh dilna hrang hrang 589 (zanga sawmriat pakua) tihfel a ni.

15. OMMERCE & INDUSTRIES DEPARTMENT

 PMEGP dilna 22 awmin buaipui mek a ni.

16. CO-OPERATION DEPARTMENT

Integrated Cooperative Development Project (ICDP) Phase II hnuaiah 2024-2025 chhung hian Loan leh Subsidy-in Rs. 144.45 lakh (Cheng nuai zasawmli leh pali point pali panga) hmuh a ni. He sum hi Primary Cooperative Society pakua te hnenah Loan leh Subsidy-in an mamawhna hrang hrangah pek chhuah leh a ni.

17. SOCIAL WELFARE DEPARTMENT

District Child Protection Unit, Mamit District hnuaiah Child Care Institutions (CCI) 3 (pathum)- Buannel, Joshua’s Children Home leh Mamit Observation Home te an awm a., Naupang 150 thla tin Rs.4000/- (cheng sangli) theuha sponsor mek niin Counseling hi naupang te leh nu leh pate tan neihpui thin an ni bawk. 

Juvenille Justice (care and Protection of Children) Act, 2015 hnuaia din Child Welfare Committee hian naupang venhim leh enkawl ngai case thar 44 (sawmli pali) chungthu an rel a. Juvenile Justice Board (JJB) hian April, 2024 – December, 2024 chhungin naupang dan kalha che te chungthu case thar 8 (pariat) an rel bawk a ni.

18. LOCAL ADMINISTRATION DEPARTMENT

Kumin sawrkar kum kal mekah 15th Finance Commission 2022-2023FY 1st instalment sum Tied leh Untied fund atangin cheng nuai zathum sawmkuapanga sing li sangsarih (₹ 395.47 lakh) hmangin Mamit District chhunga Village Council ten hmasawnna ruhrel siam hna hrang hrang heng PCC Flooring, step, retaining wall leh adangte an thawk tawh a. RGSA fund atangin Panchayat Bhawan cheng nuai sawmhnih (₹ 20 lakh) theuh hmangin Rajiv Nagar-I ah leh Kawnmawi khuaah sak thar a ni bawk.

19. SERICULTURE DEPARTMENT

Kum 2024-2025 chhung hian Mamit District atanga kuthnathawktute’n Eri Cocoon, Mulberry Cocoon, Muga Cocoon leh Buhchium thahnem tak thar chhuakin, Sericulture Farmer Pu. Vanrammawia, Darlung khua, Mamit District chuan Central Silk Board (Ministry of Textiles) atangin an kum 65-na lawmnaah ‘Best Achiever Award’ ropui tak a dawng. 

20. TAXATION DEPARTMENT

Kum 2024 – 2025 Financial Year chhunga Taxation Department, Mamit Zone in chhiah (tax) a hmuh State Goods & Services Tax - leh Professional Tax belhkhawmin Rs. 1,22,24,214.00/- (Cheng Vaibelchhe khat maktaduai hnih nuaihnih singhnih sangli zahnih sawmpali) a ni.

21. HORTICULTURE DEPARTMENT

  1. MIDH (Mission for Integrated Development of Horticulture) hnuaiah Cocoa plantation Papaya Area extension Scheme kalpui a ni a.  Tui dah khawlna tha (Pre- Fabricated Geo Lined Water Tank) mi 27 (sawmhnih pasarih) tan siamsak niin, Greenhouse leh hmanraw tangkai dang pawh subsidy-a pek chhuah thin a ni.
  2. RKVY-PDMC scheme hnuaiah hian Drip leh Sprinkler irrigation system chu chhungkaw 26 (sawmhnih paruk) install sak an ni. 

22. INFORMATION & PUBLIC RELATIONS DEPTT.

I & PR Dept Mamit chuan nikum chhung khan Official function 180 cover in, Press Release 236 chhuah a ni.

23. URBAN DEVELOPMENT & POVERTY ALLEVIATION DEPTT.

  1. DAY-NULM (Deendayal Antyodaya Yojana – National Urban Livelihood Mission) hnuaiah Self Help Group (SHG) 87 leh Area Level Federation (ALF) pathum din tawh a ni. 
  2. Swachh Bharat Mission (Urban) hnuaiah kum 2024-25 chhung hian West Phaileng, Zawlnuam, Kawrthah ah te vantlang inthiar na pakhat theuh sak a ni. 
  3. Pradhan Mantri Awas Yojana-Housing For All (Urban) (PMAY-HFA) hnuaiah khawpui chhung Insak tanpuina Rs 1,50,000 (Cheng Nuaikhat sing nga) theuhin chhungkaw 1112 hnenah pek a ni. 

24. A H & VETY DEPTT.

Nikum June – November 2024 chhung khan Mamit District chhunga Ranvulhtu mi 432 te zirtirna pek an ni. State Sawrkar Bana Kaih policy hnuaiah dilna 371 hmuh tawh a ni. African Swine Fever hrileng avanga vawk suattute zangnadawmna Chhungkaw 179 hnenah Cheng nuai sawmhnih pahnih sing nga zanga (Rs. 22,51,500/-) pek chhuah tawh a ni.

25. FISHERIES DEPARTMENT

  1. PMMSY (Pradhan Mantri Matsya Sampada Yojana) Scheme hnuaiah Construction of New Pond atan Rs. 63,50,400/- (Nuai Sawmruk Pathum Sing Nga Zali) mi 140 hnenah sem a ni.
  2. Construction of New Rearing Pond atan Rs. 25,20,000/- (Nuai Sawmhnih Panga Singhnih) sengin  mi 50 hnenah sem a ni.

26. MAMIT DEF (POLICE)

  1. Mamit District-a Police Station hrang hrangah case 155 (Za sawmnga panga) ziahluh a ni.
  2. Ruihhlo hrang hrang man zingah Heroin (No. 4) Gram 38.89 Rs 1,15,410 /- (cheng Nuaih khat singkhat sangnga zali sawm) man hu leh Methamphetamine kg 20.93 Rs 27,209,000 /- (cheng Vaibelchhe hnih nuai sawmsarih pahnih leh sangkua) man hu a tel a ni. 
  3. Criminal Law thar chungchanga Awareness Campaign chu SP Office, Police Station leh Outpost zawng zawng te’n an mahni hmun ṭheuh-ah neih a ni a, Zirna In hrang hrangah he Dan thar bakah Cyber Crime Awareness leh Drugs Awareness Campaign te neih a ni bawk.            

27. KHADI & VILLAGE INDUSTRIES (KVI)

(Mizoram KVI Board, Mamit District chuan, kum 2024-2025 chhung hian PMEGP Scheme hnuaiah online Application 7 (Pasarih) dawn tawh niin, an duhthlan Bank ah theuh thawnsak an ni. Sales Emporium kalpuiin K.V.I Product te kumtluanin dawr theih an ni.

28. TRANSPORT DEPARTMENT (DTO)

Kum 2024-2025 chhungin District Transport Office Mamitah Lirthei 455 register a ni a, Lirthei leh Licence lam kaihhnawih a fee leh Tax chi hrang hrang atangin Revenue Rs 85,36,072/- (cheng nuai sawmriat panga sing thum sang ruk leh sawmsarih pahnih) hmuh tawh a ni.

29. FIRE & EMERGENCY DEPARTMENT

Mamit Fire Station-ah hian nikhatah darkar 24 duty awmin, Kum 2024-2025 chhung hian House Firecall vawi-2 dawn ani a, Kangmei chhuakte hi thunun theih zel a ni.

30. AND RESOURCES, SOIL & WATER CONSERVATION DEPTT.

  1.      RKVY Scheme hnuaiah Micro-watershed siam hna Hriphaw, Suarhliap, Zamuang, Lengpui leh Rawpuichhip khuaah te thawh a ni a.
  2. NABARD sum atangin Link road Ailawng atanga Vaipuanpho leh Borai Atanga Chengkawllui ah te siam mek a ni a, cross drainage Zau pali-ah thawh mek a ni.
  3. Hmunphiah Warehouse & Site Office, Pukzingah leh Marpara-ah te sak mek a ni bawk.

31. DISTRICT JAIL

District Jail, Mamit atangin tang tlanchhuak, thi, insual buaina, lungawi lova chawngheina leh thil duhawmlo lian tham thleng engmah a awm lova, Jail tang te hi Medical lam te nena tangkawpin an hriselna lam endik thin a ni.

32. DIET

Kum 2024-2025 chhung hian Elementary School zirlai leh zirtirtute tan inelna hrang hrang – thawnthu sawi, thawnthu ziah, essay ziah buatsaih a ni a. Training hrang hrang bakah Science Fair Middle School zirlai te tan buatsaih a ni bawk. 

33. DISTRICT PANCHAYAT RESOURCE CENTRE (SIRD&PR) Kum 2024-2025 chhung hian Mamit District a Block hrang hrang Reiek RD Block, W.Phaileng RD Block, Kawrtethawveng RD Block leh Zawlnuam RD Block a Village Council Member te “Gram Panchayat Developmenmt Plan” leh “Own Source Revenue” tih thupui hmangin Training pek an ni. 

34. MIZORAM COOPERATIVE APEX BANK LTD.

Mizoram Cooperative Apex Bank Ltd. Mamit Branch chuan 01.04.2023 leh 31.07.2024 inkar khan KCC leh MUDRA Loan mi 27 te hnenah Rs. 22,90,000/- (cheng nuai sawmhnih pahnih sing kua) a pe chhuak a. Financial Literacy Campaign vawi 31 neih a ni bawk. 

DEPUTY COMMISSIONER OFFICE

e-District Cell atangin Kum 2024 chhungin certificate hrang hrang (Income, Residential, Scheduled Tribe, Tax Exemption Certificate) pekchhuah zawng zawng 6767 niin, Regular ILP 60 leh Temporary ILP 3,849 pek chhuah niin sawrkarah Rs 11,83,700/- (cheng nuai sawm pakhat sing riat sang thum za sarih) revenue chhun a ni.

Disaster Management & Rehabilitation Cell – Kum 2024 – 2025 chhung hian State Disaster Mitigation Fund (SDMF) atangin hmun hrang hrangah Retaining Wall siam a ni a, State Disaster Relief Fund (SDRF) Rs.98,52,718/- (cheng nuai sawmkua pariat, sing nga sang hnih za sarih sawm pariat) chu chhiatna hrang hrang tuartu chhungkaw 372 hnenah pekchhuah niin, Nunna chan hial mi 2 (pahnih) chhungte hnenah Ex-gratia Rs 8,00,000/- (cheng nuai riat) pek a ni bawk.

DC Office atanga enkawl Aspirational District Programme (ADP) kaltlangin Mamit District hmasawnna kawng lian tak tak panga (5) – Health & Nutrition, Education, Agriculture & Water Resources, Basic Infrastructure leh Financial Inclusion & Skill Development hnuaiah te hmalakna hrang hrang kalpui a ni. He Programme hi India ram pumpuiah inelna hmanga fund pek thin kan ni a. Mamit District chu a titha pawl kan nih thin avangin cheng Vaibelchhe sawm leh pakua (Rs. 19 Crore) man hu project te kan dawng tawh a, a chunga kan sawi tak hmasawnna hna hrang hrang atan te hian a concerned department ah semchhuah a ni a. Nikum chhung khan NITI Aayog atangin cheng Vaibelchhe hnih (Rs. 2 Crore) kan dawn belh bawk a ni.

Vawiin ni hi hlim taka hmang turin duhsakna ka hlan nawn leh vek a che u. 

Ka lawm e.