Aizawl District Sub Divisional Magistrate chuan kumin India ram Republic Day Mizorama lawmna pui ber A.R Lammual, Aizawla neih tur leh Sorkar mipawimawhte kalkhawmna tur Raj Bhavan ah te venhimna tha taka kalpui a nih theih nan a hnuaia thupek hi a chhuah:

AR Lammual chungah, Raj Bhavan compound chungah leh Chief Minister Bangla chungah te Remote Control hmanga Drone / Aerial Camera leh hetiang lam chi reng reng chu ni 22^nd – 27^th January, 2017 chhunga thlawh tir khap a ni a. He thupek hi bawhchhia an awm a nih chuan an Drone / Aerial Camera-te man emaw kahthlak sak theih niin, an chungah dan angin hremna lek theih a ni.