Tunkar Inrinni a India Republic Day lo thleng tur, Khawzawl khawpui a lawm dan tur relin nimin khan Republic Day Celebration Committee, Khawzawl chu an Chairman Pu Lalremruata Sailo, MCS, BDO hovin an thukhawm.

Nimin chawhma dar 11:00 a BDO Office Chamber a Republic Day Celebration Committee, Khawzawl thutkhawmnaah hian tun thla ni 26, Inrinni a India Republic Day lawmna chu zing dar 7:00-ah D.C. Rest House kawt zawlah neih nise an ti a. Chief Guest-ah Pi ST. Lalvensangi, SDO (Civil), Khawzawl a ni ang a, 2nd. I.R. Pipe Band in India hnam hlapui, National Anthem an rem ang a, 2nd. I.R. Bn. in General Arm Salute an nei dawn bawk a ni 

Meeting-ah hian Sawrkar Department hrang hrang te chanvo turte ruahman fel nghal a ni a, Republic Day hi India ram tana ni pawimawh anih vangin Sawrkar hnathawkte bakah Private School a thawkte chu Republic Day lawmnaah hian kim taka tel vek turin hriattir an ni.  Meeting-ah hian Sawrkar Department hrang hrang hotute, Village Council Member te, Zirna In hrang hrang aiawhte leh Media lam te an tel a ni.