Chapchar Kut chhim tura Aizawla lokal, India rama Republic of China (Taiwan) palai Taipei Economic & Cultural Centre, New Delhi a Representative Pu Chang Kwan Tien leh a nupui, Pu Ho Chung Chang, Director, Science Division leh a nupui leh Pu Hsin Chiang Hsu, Assistant Representative te chuan vawiin tlai khan Chief Minister Pu Lal Thanhawla chu a chenna bungalow-ah hmuin inkawmna hun tha tak an nei.

Republic of China (Taiwan) Palaite leh Chief Minister te hian induhsakna thilpek an in hlan ve ve a, Chief Minister hian an pualin zanriah a buatsaih sak a ni.

Chief Minister hi a nupui Pi Lal Riliani bakah Pu Ronald Sapa Tlau, MP(RS) ten an tawiawm a ni.

Vawiin tlai vek khan Chief Minister hi Lt.Gen Bipin Rawat, AVSM, YSM, SM, VSM, GOC 3 Corp, Dimapur in a hmu bawk a, inkawmna hun tha tak an nei bawk a ni. Sipai lal hi Brig.T.C.Malhotra, DIG, 23 Sector Assam Rifles in a rawn tawiawm a ni.