Tukin zing khan bialtu MLA Pu R. Vanlalvena chuan Republic Vengthlang Middle School kawta Basketball Court siamthar a hawng.

Pu R. Vanlalvena chuan lehkha zir hi thil pawimawh tak a nih rualin infiamna chu ngaihpawimawh a tul thu sawiin, infiamna lama hmasawn chu kan ram leh hnam tan a pawimawh em em a ni, a ti . Republic Vengthlang chu veng fai ber lawmman la thei an nih angin a venga khawsa infiam mite pawh mite entawn tlaka fai leh thianghlimna kawngah tun aia nasa zawka tan la zual turin a chah a. Tuna sum tlemte hmanga siam Basketball Court an hawn tak chu bul tanna a ni tiin infiam miten Basketball Court hi an hman tangkai chuan tun aia nasa zawkin hmasawnna lian a la awm chho dawn a ni, a ti bawk.

Basketball Court thar hawnna inkhawm hi Local Council Chairman Pu R. Lalrema chuan kaihruaiin Local Council Vice Chairman Pu C Hranglura’n Basketball Court siam a nih dan a report a. He hunah hian Pu H. Vanlalruata, Ward No. XVII AMC Councillor leh Republic Vengthlang tlawmngai pawl hrang hrang hruaitute an kal tha hle a ni.

Republic Vengthlang Middle School kawta basetball court hawn thar tak Rs.5,00,000 senga sak hi Pu CL Ruala MP (Lok Sabha) leh Mizoram State Sport Council atanga Fund hmuha siam a ni a, a thawh hna hi Local Council in an tum thung a ni.

Attachment

  • Loading attachment...