Revenue Dan Thar Rule 10, Sub-rule (9) chuan ‘Periodic Patta thih hun a thlen hma thla 6 chhung ngeiin tihnun dilna siam a, tihfel anih loh chuan chu Periodic Patta chu a thi chawpchilh nghal ang’ tiin a sawi a.
Amaherawhchu, he hun tiam chhunga Periodic Patta lo tinung (renew) hman lote tan Land Revenue & Settlement chuan ni 30.09.2018 thleng hun a hawn belh a. Application rualin tihnun lehna fee te, chhiah ba leh tlai man fee (kum khata 20% chawiin) te pein a tihnun leh theih a ni.
Periodic Patta renew dilnaah hian ram hman tangkai anih dan, report kimchang leh SAAB recommend na thil tel tur a ni.
SAAB Meeting ah Environment Forests & Climate Change Department aiawh a tello anih chuan, Forest Reserve area leh a chhehvela awmte tan Periodic Patta renew turin Environment Forest & Climate Change Department atangin No Objection Certificate a hranpa a lain, renew dilnaah hian thil tel tur a ni.
