MSACS Project Director Dr. Lalmalsawmi Sailo chuan vawiin khan Review Meeting & Implementation Strategy Meeting nihnih awh tur chu I & PR Conference Hall-ah hawngin a hmanpui.

MSACS hnuaia thawk meeting a lokalte chu lo lawmin hmasawn zawka hna an thawh theih nan tanlak a ngaih thu fuihna sawiin Dr. Lalmalsawmi chuan hma an lo lak tawhna te sawifiahin an hmalak zel dan tur leh kalzel dan tur te kalkhawmte hnenah a hrilhfiah nghal bawk.

Dr. Richard CLR Hluna, State Epidemiologist & CST i/c, MSACS in a kaihhruai vawiin programme ah hian MSACS hnuaia ART Centre zawng zawngte hmalakna report chu presentation hmangin Centre aiawh theuhin sawiin an entir a ni.

Review Meeting ah hian MSACS hnuaia Centre zawng zawng te, District Programme Manager (DAPCU) Care & Support Centre leh Help Desk atangin thawktute an kalkhawm a ni.

Naktuk 14.7.2017 ah meeting hi chhunzawm leh tur a niin Dr. Richard CLR Hluna’n Test & Treat Policy, HIV Positive tawh phawtin ART damdawi an ei a ngaih tawh thu thla hmasa June, 22, 2017 a Health Minister in a lo hawn tawh (launched) chu a awmzia zirtirna a pe ang.