1600/2026-2027

Saitual the 31st July, 2026: Vawiin khan Rashtriya Gram Swaraj Abhiyan (RGSA) hnuaia Saitual District Panchayat Resource Center-in Saitual district huam chhunga Village Council-te tan ni 3 chhung awh tur training an buatsaih chu zawh fel a ni.

Training-ah hian Village Council-te tan a tangkai tur leh hmasawnna tur thil te inzirtirna atan hun hman a ni a.

District Panchayat Resource Center Saitual Head Faculty Pi Laldinmawii, Additional Faculty Pu Lalliansanga, DPMU Pu Lalhmangaihzuala leh Pi Lalhlimpuii Sailo-ten hun hmangin Gram Panchayat Development Plan-te, Localization of Sustainable Development Plan-te, People’s Plan Campaign-te, The Mizoram Village Council Act, 2025 chungchang sawiin, heng hi khawtlang inrelbawlna leh hmasawnna kailawn pawimawh tak an nih thu an sawi.

16th Finance chungchang hi Er. Lalpektluanga, Sr. EE PHED-in hun hmangin Village Council lo kal khawmte hnenah chiang zawk leh fel fai zawk a kal pui a nih theih nan thahnemngai tak a thawk ho turin a fuih a ni.

DLAO Pu V Laldinsanga chuan training kharna hun hmangin kal khawmte hnenah district hmasawnna a nih ngei a beisei thu a sawi a, lawmthu a sawi nghal bawk. Pi Laltanpuii, ARDO leh Pu David Lalchhuanawma, AE -ten certificate hlanna hun an hmang a ni.