1225/2023-2024
Aizawl, the 21st July 2023: Tele-MANAS, 24x7 Mental Health Helpline sawrkarin a kalpui mek chu mipuiin zau zawka an hman tangkai theih turin, National Implementation Committee chuan "Swasth Tan Swasth Man" campaign thla tin thupui (theme) neia a buatsaih thin chu tun thla (July) atan tleirawl leh thalai (Adolescents & Youth) talk show hmangin Mizoram College of Nursing (MCON), Falkawnah zirlai ten rilru hrisel an neihna kawnga inzirtirna hun hman a ni.
He hunah hian Dr. Robert L Khawlhring, State Nodal Officer, Mental Health, Pu C. Lalrambuatsaiha President,MJA General Headquarters, Pi R. Lalruatkimi Asst. Prof. MCON, Pi Zothansangi Sailo, Community Nurse DMHP Aizawl, Pi Sarah Lalhriatrengi,Counsellor TeleMANAS te nena hun hman a ni. Sawrkar hmalakna chi hrang hrang bakah tunlai thalaite leh tleirawlte rilru lama harsatna tawh leh rilru hrisel an neih theih nana hmalakna sawihona hun hman a ni. Tele MANAS Helpline in tleirawl leh thalai te rilru hirselna leh a kaihhnawih hrang hrang alo buaipui anih thin thu te leh tam takin an hman tangkai tawh thu tarlan ani bawk.
Nursing zirlaiten an hman tangkai theih tur zawhna hrang hrang zawtin hun thlawk tak hman a ni a, mipui ten Tele MANAS helpline hman tangkaina kawngah in bengvar tawna, a biak pawh theihna number 14416 chu engtiklai pawha call theih thu sawi uar a pawimawhzia he hunah hian sawilan a ni.
