1226/2023-2024
Siaha 21st July 2023: Vawiin khan kum 2023 MLA inthlanpui lo awm tur puala inbuatsaihna pakhat Sector Magistrate Training chu DC Mini Conference Room, Siaha ah neih a ni a, Pu Lalhmunsanga Hnamte, Deputy Commissioner chuan training hawnna hi a nei.
Hawnna inkhawm ah hian thu sawiin Pu Lalhmunsanga Hnamte chuan India ram chu mipui thlan tlin sawrkarna ram anih vangin mipuiten an aiawh dik leh fel taka an thlan a pawimawh hle a ni, a ti. Sectoral Magistrate te chu Election Commission of India kutke pawimawh tak an nih avangin inthlanna hlawhtling tak neihna tura an pawimawhzia hre reng turin a fuih a, Election Model Code of Conduct leh inthlan kaihhnawiha dan awm hrang hrangte hre chiang turin a chah bawk.
Vawiin Sector Magistrate Training hi Pi B. Malsawmtluangi, Election Officer leh SDO(Sadar) ni bawk chuan a kaihruaia, Pu Ngurthansanga (BDO) Siaha District Master Trainer chuan training hi a pe a ni.
Kum 2023 MLA General Election lo awm tur atan hian Siaha District chu Sector-11 ah then a ni.



Attachment

  • Loading attachment...