Vawiin chawhma dar 10:00 khan RMSA Champhai District leh STAMP buatsaihin Govt GM High School-ah Diatrict Level Children Science Congress neih a ni a, he hun hi Pu J Kapkima EE PHED chuan khuallian niin a hmanpui a, Pu C Lalbiakzauva DEO & DPC RMSA chuan a telpui bawk.
Khuallian Pu J Kapkima EE PHED chuan thusawiin zirlai naupangte hmasawnna tura District Level Science Children Science Congress buatsaihtu RMSA Champhai leh STAMP te chu fakawm a tih thusawiin an talent leh an hriatna te pho chhuahna hun an nei chu an vanneihzia hriaa lawmna chang hre turin zirlaite chu a chah bawk.
Kawng engkimah hlawhtling tur chuan taimak taka mite bakah tih hram hram a ngai thu sawiin mite aia zir peih leh mite aia taima te zel hi mi hlawhtling kan tih te an ni a, zirnaa ti tha tur leh kan nih tum kan nih theihna tur chuan mite aia chungnung kan nih angai a ni a ti a, Lehkha zir tura zing thawh hma te hi ti thanah neih a ngai a ni a ti bawk.
Kan nu leh pate hmangaihna chhanlet hi kan bat a nih thu sawiin, Kan nu leh pate hmangaihna chhanletna tha ber chu an thuawiha taima taka lehkha zir hi a ni a ti a, Faina chungchang pawh tarlangin zirlai naupangte chu faina kawnga hmasawn tura midangte hrilh hretu ni tura chahin Ram hrisel leh District Hrisel kan neih theihna tur chuan zirlaite hi kan thaharha hma la hmasatu kan nih a, zirlai kan nih atangin fai pawimawihna hi kan rilruah kan tuha kan thanlenpui a ngai a ni a ti bawk.
He hun hi Pu C Hualrikhuma Dy. DPC RMSA chuan kaihhruaiin School 9 atangin Team 12 an tel thei a, District Level Children Science Congress hi Category hnihah then niin Senior Level-ah Lalruatlawmi leh Nangngaihsangi Bethel Mission School-te chu pakhatna an ni a, Lalbiaknungi leh Esther Lalremsangi, Govt Khawzawl High School chu pahnihna niin JH Vanlalrinchhana leh Laldinsangi, Govt Champhai High School-te chu pathumna an ni bawk.
Junior Level-ah HVL Hruaitluanga leh Monica Lallawmkimi Bethel Mission School te chu pakhatna an ni a, Vanlalhlupuii leh Vanlalmalsawmkima, PES CHamphai te chu pahnihna niin K Zothanpuii leh C Vanlalhmuaki, Govt Vengthlang Middle School te chu pathumna an ni bawk.
