Nimin chawhma dar 10:30 khan State Mission Director leh Project Director RMSA leh SSA bultumin Consultation meeting, Electric Veng YMA Hall-ah neih a ni a. RMSA hnuaia High School building New Construction 23 leh Strengthening 154 Work Supervisor te an kal kim hle.

He meeting hi Pu Lalthanghuta Sailo, Addl. SPD in a kaihruai a, Khualllian Pi Esther Lalruatkimi, Secretary  leh Director, School Education ni bawk chuan thusawiin, RMSA hnuaia High School Building 177 zet sak chu Ram hmel lanna tur leh Ram rotling ngei tura thawk turin work supervisor te a chah a. Sorkar-in zirna a ngaih pawimawh avangin zirlaite pawhin zirna tha an dawn theihna tura ruahman a ni, a ti a.

District hrang hranga work supervisor kalkhawmte pawhin lawmthu sawiin Chief Minister Pu Lal Thanhawla chungah leh Education Minister Pu Lalsawta chungah Electric fitting leh furniture works an kuta dah zui a ni chu lawmthu an sawi a ni.

He Consultation meeting-ah hian Engineer ten in hrilhfiahna an nei a. Electric License Holder leh District DPC te an kal kim hle.