Pathianni kal ta Sep ni 18-a  lirnghing tuar Sikkim mipuite a tawrhpuizia Mizoram Chief Minister Pu Lal Thanhawla chuan Sikkim Chief Minister Pawan Kumar Chamling hnenah lehkha a thawn.

A lehkhathawnah chuan hetiang chhiatna rapthlak rinlawk loh taka Sikkim mipuiin an tuar chu pawi a ti tak zet thu te, vanduai chhungte a tawrhpui thu leh Chief Minister chak tak kaihruaina hnuaia chhanchhuah leh chhawmdawlna hna chak taka kalpui a beisei thu te a tarlang a. Mizoram mipuiin hetiang chhiatna rapthlak thinlung taka an tawrhpui thu leh a theih ang apianga tanpui leh chhawmdawl an inhuam thu Pu Lal Thanhawla hian a lehkha ah a tarlang bawk. Pathian Engkimtitheiin hetiang chhiatna paltlang thei tura chakna a pek zel a duhsak thu a hlan bawk a ni.