Vawiin Dt 19.6.2015 Zirtawpni khan School Education Directorate Conference Hall-ah RMSA hnuaia DPC meeting neih a ni a, State Project Office-a Officer-te leh District Project Office a DPC, DyDPC leh Co-ordinator-te an tel a, meeting hi Pu K.Lalthawmmawia State Project Director-in a kaihruai a ni.

 Pu K.Lalthawmmawia chuan thusawiin kan sum hmante hi public money a ni a, kan nawm kan maka kan hman tur a ni lova. Public Money hmanga rawih kan nih avangin min ruaitu sorkar hna, rawih kan nih chhan tak hna kha  a pawimawhna kan hre tur a ni a, tihhlawhtlin hi kan bat a ni a ti. SPD chuan Sorkar atanga hlawh kan lak chhung chuan sorkar mi kan ni a, conduct rules te, financial rules leh kan inenkawlna tur dan hrang hrangte hi kan ngai pawimawh tur a ni a. Conduct rules te hi enchiana bawhchhiat kan neih leh neih loh en thin tur a ni a ti a, dan hriat loh hi chhuan lam a tling lova, office rules leh procedure te hriatchian a, inzir peih tur leh pending nei lo hram turin a chah bawk.

 Meeting-ah hian MHRD-a Project Approval Board-in kawng hrang hranga RMSA hmalakna atana a approved chu Rs 2664.44 lakh a ni tih tarlan a ni a, kum kaltaa pawmsak tawh bawhzui zelna tur Spill over nen chuan cheng nuai 5843.26 a ni tih tarlan a ni. District tina RMSA hmalak dan report pek a ni a, 2015-16 chhunga hmalakna tur te thlirho a ni bawk.