RMSA hnuaia sikul-a Karate zirtirna ‘Karate Self-Defence for Girls’ thawhhnihna chu nimin atang khan All Mizoram Karate Association (AMKA) kaltlanga hmalak leh tan a ni a, Karate zirtirna hi Aizawl khawpui chhunga High School 14-ah zirtirna pek mek a ni.

Hmeichhiate tan bik chauha Karate zirtirna hi sualna hrang hrang laka hmeichhiate an inven theihna tura atana sawrkar ruahmanna a ni a, High School hrang hrang atang hian hmeichhe zirlai 489 ten zir tura beisei an ni. Kumin June ni 11-15, 2012 chhung khan Aizawl khawpui High School thlan bikah te kalpui a lo ni tawh a, a hlawhtling em avangin a thawhhnihna hi 29 June, 2012 thleng kalpui leh tum a ni.

Karate zirtirna school te chu :- Govt.Mice H/S, Zotlang Secondary School, Govt.Maubawk H/S, Govt.Hrangchhuana H/S, Govt.Aizawl H/S, Govt.Dinthar H/S, Govt.K.V.M. H/S, Govt.Kulikawn H/S, Govt.R.M. H/S, Govt.Bawngkawn H/S, Govt.Chawnpui H/S, Govt.Hrangchhunga H/S, Govt.Gorkha H/S, Govt.Aizawl East H/S te an ni. Mizoram District hrang hrang - Champhai, Lunglei, Lawngtlai District-ah te kalpui mek a ni a, AMKA hnuaia Black Belt rual ten zirtirna hi an pe a ni.