Vawiin khan Sub- Divisional Level Road Protection Squad, Mamit Sub- Division te chuan an Chairman Pu H.D Lalpekmawia, Sub - Divisional Officer (Sadar), Mamit District hovin Mamit khawpui kawng dunga dan lo a kawngpui nek chepte enfiahin khawpui chhung an fangkual.

Road Protection Squad-te hian mipuite him zawkna atan Mamit khawpui chhunga kawngpui dala Motor leh bungrua dahte chu a ranglama senghawi turin lehkha an pe a. Mamit Vengthara Chief Judicial Magistrate Office panna kawng pawh kawngpui a zau zawk theihna turin eng emaw chen laih hek nise an ti bawk.

Road Protection Squad- te hian Mamit Hmarveng atanga Luangpawl thlenga fangkualin mipuite kan him zawk theihna tur leh kawngpui zau leh thawl nuam zawk kan neih theihna turin in sakna bungraw hrang hrang leh Motor-te kawngpui dunga dah lo tur leh lehkha an pekte pawh a ranglama an bungrua leh Motor-te senghawi turin Road Protection Squad chuan an ngen tak meuh meuh a ni.

Vawiin Road Protection Squad-te'n khawpui chhung an fankualnaah hian DIPRO, SDPO, Settlement Officer aiawh, SDO, PWD, PHE, P&E aiawhte, Jt. VC Chairman, Mamit khawpui chhunga VCP zawng zawngte bakah khawpui chhunga YMA hruaitute an tel a ni.