895/2023-2024

Mamit 23rd June, 2023 : Vawiin khan Mamit District Road Protection Squad hmalakna kal zelah Mamit khawpui chhunga kawngpui dung fangin, insakna bungrua leh bungraw dang kawngpui nekchep zawnga dahte enfiahin feh chhuah a ni a, Road Protection Squad-te hian vantlang kawngpui hnawk zawnga bungrua leh thildang dahte chu lo thianfai turin hriattirna lehkha an pe nghal a ni.

Kawngpui dung fan hma hian Pi Carolyn L.B Khiangte, SDO (S) hovin a Office Chamber-ah Mamit District Road Protection Squad hmalak lehzelna tur leh hmachhawp hrang hrangte sawiho niin, District Capital thanchhoh zelna tura kawngpui dung enkawl zui dan turte bakah Side drain leh Parking chungchangte sawiho zui a ni bawk.

Road Protection Squad members- te hian Mamit Hmarveng atangin kawngpui enfiahna hi an nei tan a, vawiin-a tlawhchhuah hman lohte hi remchang dang la zawn leh tum a ni. Mamit khawpui chhung Village Council paruk-a VC te an vengchhung endik anih dawn thu hi hriattir niin, anmahni veng theuha lo awm tura ngen leh hriattirna pek an ni bawk a ni.

Attachment

  • Loading attachment...