Road Safety Week 2016 denchhenin vawiin khan Serchhip District chhunga Public Transport Driverste tan Serchhip DC's Conference Hall Serchhipah Training buatsaih a ni a, Pu Lalringdika, MPS, Superintendent of Police, Serchhip District in a hmanpui.

Pu Lalringdika chuan Training buatsaih anih chhan leh Motor/Lirthei khaltuten Dan an zawm tur chi hrang hrangte a sawifiah a, Nikum Krismas leh Kumthar vuakvet a Serchhip District chhunga lirthei chetsualna lian tham thleng a tamlo chu a lawmawm viau laiin Kumin kumthar chho a lirthei Accident(Road Accident) a hluar leh tak viau thu a sawi a, nitinin Serchhip District ah mai nilo Zoram pumah lirthei khalh thiam/ khalh thei an pun chhoh ve zel avangin lirthei khaltute tan Training hi neih fo a tul a, a bik takin passenger phur thin te tan a pawimawh lehzual a ni tiin lirthei khalhin a ken tel thil tam tak a awm thute leh lirthei khalhtu ten an mawhphurhna te inhrilhhriat thar reng a tul thu a sawi a ni.

Road Safety Week 2016 denchhen a Training buatsaih ah hian Serchhip khawpui chhung leh pawn atanga Public Transport (Town Bus, Maxicab, Taxi leh Auto Rickshaw) khalhtute an tel tha hle a, Tukin Dar 7:00 khan Maxicab Serchhip atanga zingkar/chawhma a chhuak ho leh Taxi/Auto Rickshaw number kawpkim (even number) khalhtute tan Training thawhkhatna buatsaih niin lirthei khalhtu 90 chuang an kalkhawm a, a thawhhnihna hi vawiin chawhma Dar 11:00 khan buatsaih leh niin Maxicab Serchhip atanga chawhnu a chhuak ho zawng leh Taxi/Auto Rickshaw number kawpkimlo (odd number) khalhtu mi 150 chuang an tel a, JH Family Driving School, Serchhip atangin zirlai 18 an tel bawk.

Vawiin a Public Tranport Drivers Training hi Pu Lalchhuanawma, SDPO, Serchhipin kaihhruaiin Resource Person pahnih Pu R Zothansanga Inspector, Enforcement District Transport Office, Serchhip leh Pu B. Lalchuangkima, MVI, Serchhip hnen atangin Lirthei khalhtute dan zawm tur leh hriattur hrang hrangte ngaihthlak niin, zawhna leh chhanna hun hlawkthlak tak hman ani bawk.