Kawng Ralmuanna Hapta “Road Safety Week” vawi 23-na chu tukin zing dar 8 : 00 khan Saiha Bazar Traffic Point-ah hawnna inkhawm neih a ni.

He Road Safety Week hawnna inkhawm hi Pu F.Lalrotluanga, President, ZDU Saiha District chuan a kaihruai a, Pu R. Mawbi, DTO, MADC Saiha chuan khuallian niin he hun hi a hmanpui a ni. Thu sawiin khuallian chuan motor khalhtute fimkhur tawk loh vanga thihna tam tak a thlen thin thu leh hremna tawk tam tak an awm thu a sawi a, Mizoram chhung a Motor chetsualna za zela sawmkua pakua (99 %) hi zu leh ruihtheih thil dang vanga thleng thin ani a ti a, Zu leh ruihtheih thil hrang hrang te rui chunga motor khalh  lo turin Driver te a ngen a ni.

Pu Lalthansanga, President, ZTOA, Saiha District pawh in thu sawiin lirthei khalh tute reng reng in Traffic duty te en nguna an signal anga kal thin turin a chah a, V.I.P. Motor te  pawh kian thiam turin a chah a ni. Driver te hi Pathian tih lohvah chuan Mihring nunna hlutak kawltu te kan ni tiin midangte tana malsawmna ni theuh turin motor khalh tute chu a ngen a ni.

He Road Safety Week hawnna inkhawm ah hian Pu Dony Lalruatsanga D.T.O. Saiha pawh in he week hman chung chang leh Driver te tan a hriattur pawimawh tak tak sawina a nei bawk, he hun ah hian  chanchinthar theh darh tute leh  Saiha khawpui chhunga lirthei khalhtute an tel thahnem hle a, zaithiam tak tak te zai ngaihthlak a ni bawk.