Vawiin khan Pi Lalbiaksangi District Bawrhsap hovin D.C Conference Hall, Mamit-ah Mizoram Information Commission hmalakna a Mamit khawpui chhunga RTI Awareness Campaign neih dan tur sawiho a ni.
Meetingah hian Pu Paul Rokima, DIPRO chuan Mizoram Information Commission atanga RTI Awareness neihna tura ruahmanna awmte te leh hmalakna te a tarlangin, RTI Awareness Campaign hi MIC leh District thuneitute ruahmanna angin dt 22 February hian I&PR Conference Hall ah hman ni se tiin a rel a, he hun hi Pu Lalduhthlana, Ralte IFS,(Retd) Chief Information Commissioner chuan min rawn hmanpui dawn a ni.
Meeting hian programme kimchang a duang nghal a ni. RTI Awarness Campaign hlawhtling taka hman a nih theihna tura ruahmanna awmte thlirho a ni a, RTI chungchanga mipui ten kan hriat duh leh mamawhte zawhna leh chhanna hun hman a ni dawn bawk a ni.
He ni kokim leh hlawk taka hman a nih theihnan hian Mamit khawpui chhunga SPIO, SAPIO, leh Dealing Assistant te bakah tlawmngai pawl hrang hrang hruaitu, Mamit District PRISM hruaitute, MJA, MZP, zirlai te Joint V.C te bakah khawpui chhung khawtlang hruaitute, sawm ni se meeting chuan a ti bawk
