Vawiin chawhma dar 10:30 khan Art & Culture Auditorium Hall Lunglei ah RTI Week 2011, 5th October - 12th October hman a ni. He inkhawm ah hian Chief Information Commissioner Pu Lal Dingliana, IFS(Rtd.) chu khuallian niin Lunglei Bawrhsap Pu V.Sapchhunga, IAS chu khual zahawm ah hman a ni.

CIC chuan RTI chu corruption venna hmanrua tha tak anih thu a sawi a, Mizoram ah sawrkar langtlang siamtu atan leh hmasawnna atan a hmanraw pawimawh anih theih nan chak zawk a awareness campaign kalpui tum a ni a ti. CIC chuan RTI a hlawhtlin nan media mite, NGO’s leh sawrkar hnathawk te chu an pawimawh thu leh Information Commission nawr kaltu an nih thu a sawi. Sawrkar hnathawk leh vantlang rawngbawltute rawngbawlna ah RTI activity te chu la lut turin a ngen nghal bawk a ni.

Khual zahawm Lunglei Bawrhsap pawh in RTI act chu Lunglei District ah hman a hlawh tam tawk loh na chhan te enchiang in sawrkar Department te mipui tana chak zawka hna an thawh theih nan hma lak a ni ang a ti.

Inkhawm SDO (Sadar) Pu K.Lalhmingliana kaihhruai ah hian Pu Malsawmsanga, DIPRO, Lunglei in keynote address pe in, Pu K.Lalrinpuia, Editor Vulmawi leh MJA President, Lunglei District ni bawk chuan RTI hman tan anih atanga vawiin ni thlenga Lunglei District a RTI activity report a pe, Lunglei District ah RTI application form hi vawi 100 chiah dil chhuah la niin vawi 50 chiah chhanna lak chhuah ala ni a, RTI activity ah Lunglei District in District dang a phalo deuh niin a sawi. RTI activity a that tawk lohna chhan leh tan lak tul na zawn kawng hrang hrang te a sawi bawk.