“Right To Information (RTI) Week, 2013” chu vawiin chawhma dar 11:00 am khan I&PR Conference Hall, Saiha-ah hawnna inkhawm neih a ni. He R.T.I. Week hawnna inkhawm hi Pu N.Vabeiratlua, I&PRO Saiha chuan a kaihruaia, Pu Alok Swarup IAS, District Bawrhsap chu Khuallian a ni.

He RTI Week hawnna inkhawm ah hian thu sawiin khuallian chuan Kum 2005 atanga kan hman tan RTI Act chu mipui ten kan la chhawr tangkai thiamlo hle a ni a ti a, mimal tin tana dan tangkai leh pawimawh ani tiin mitin ten he dan hmang hian harsatna kan tawh chi hrang hrang te chu kan zawt thei a ni a ti bawk. He dan tangkai tak hmang hian sawrkar langtlang pawh a siam theih thu a sawi bawk. He dan hian sawrkar thil diklo tak hman te pawh a vengthei a ni tiin RTI chu chhawr tangkai tum theuh turin kalkhawm te chu a chah a ni.

He RTI Week hawnna-ah hian Pu Jim K.Chozah, Director, I&PR pawhin thu sawiin RTI chu kum rei vaklo atang chauhin Mizoram chuan kan hmel hriat a ni tiin khawvel hmun hrang hrang a Democracy ramah chuan R.T.I. hi a pawimawh a ni, a ti a, Democracy chu mipuite siam, mipuite sawrkar leh mipuite ta a nih thu a sawi a, RTI chuan mitinte bengvarna a thlen thei a ni, tiin he dan hian langtlang sawrkar a siam thei a ni a ti bawk. He Dan hian eirukna leh hlemhletna hrang hrang te pawh a hailang thei a ni, tiin RTI danah chuan engmah thup theih a awmlo a ni a ti a, sawrkar hnathawk te chu rinawmna leh dikna nena mahni hna theuh rinawm taka thawk turin a chah a, he dan hman tangkai tum theuh turin kalkhawm te chu a chah bawk.

He Week hawnna inkhawm ah hian Pu John L.T. Sanga Addl D.C. Saiha pawhin thutawi sawina hun ahmang bawk a ni. Programme karlakah zaithiam zaite ngaihthlak ani a, R.T.I. chungchang ah hian huamzau taka sawihona hun pawh hman a ni. Pu N.Vabeiratlua I&PRO in lawmthu sawina a neih hnu ah he RTI Week hawnna programme hi tihtawp a ni.