Vawiin khan Mamit Chhim Veng YMA Hall-ah RTI Week 2014 puala hun hman a ni a. Pu Lal Dingliana IFS, Chief Information Commissioner chuan khuallian niin a hmanpui.

RTI Week puala hun buatsaih Pi Lalbiaksangi, Add. DC Mamit kaihhruaiah hian Pi JH Lalparmawii, IPRO Mamit in RTI chungchang sawihawnna a nei a, khuallian Pu Lal Dingliana chuan RTI pawimawhna leh mitin huap anih dante a sawi a,  sorkar inrelbawl dante mi tu pawhin RTI hmangin a hriat duh zawng a dil chhuak thei a ni, a ti a. RTI hi langtlang sorkar a awm theih nana siam anih angin tangkai taka hman nachang mipui ten hre theuh ila a duh thu a sawi. SPIO te chu RTI hmanga dilna an dawn te pek chhuah nan ni 30 kher nghak lova pechhuak mai thinturina chah bawk a. Sorkar inrelbawlna langtlang a awm theih nana siam RTI Act hi mimal tihchhiat tum nan emaw phuba lakna atana duan a ni lo tih kan hriat erawh a pawimawh hle a ni, a ti.

He hunah hian Mamit-a SPIO, SAPIO, NGO hrang hrangte leh school naupangte an tel a ni.

Khuallian hi Pu K. Zadawla, Under Secretary Mizoram Information Commission in a tawiawm a ni.